Та “Doppleganger” гэсэн үгийг өмнө нь сонсож байсан уу? Дэлхийд алдартай цус сорогчдын тухай цувралуудын нэг “The Vampire Diaries” бүтээлээс магадгүй энэхүү нэршлийг сонссон байж болох юм. Үндсэндээ яс, цусны холбоо байхгүй ч гадаад төрхөөрөө яг ижилхэн байх тохиолдлыг ийнхүү нэрлэж байгаа билээ.
Тэгвэл алдарт дуучин Rihanna-гийн “Doppleganger” гэгдэх нэгэн эмэгтэйг TeenVogue вэбсайт онцолжээ.
Тодруулбал, Tik Tok видео платформ дээр @notavrey гэсэн хэрэглэгчийн нэртэй Avery гэх эмэгтэй өөрийн хуудсандаа нэгэн бичлэгийг оруулснаар гурван сая үзэлт, 472 мянган зүрх, 6300 сэтгэгдэл авсан байна. Харин тэрхүү сэтгэгдлийн ихэнх нь түүнийг дуучин Rihanna-тай маш адилхан байгааг хэлжээ.
Үүний хариуд тэрээр “Бүгдэд нь маш их баярлалаа. Надад үнэхээр сайхан санагдаж байна. Над руу Rihanna-гийн өөр зургуудыг явуулаарай. Би ижилхэн хувцаслаад харуулж болох юм” гэж хариу бичжээ.
Түүний Tik Tok бичлэгийг үзэж, Rihanna-тай хэр адилхан бэ гэдгийг харахыг хүсвэл ЭНД дарна уу.
Эх сурвалж: TeenVogue
