Нэгдсэн Үндэстний Байгууллагын Хүүхдийн Сан (UNICEF) нь дэлхийн өнцөг булан бүрт буй хүүхэд, багачуудын бүрэн, дүүрэн амьдрал, эрүүл аюулгүй орчин зэрэг бүхий л талаар тэдний төлөө ажиллаж, бодит үр дүнг үзүүдэг НҮБ-ын төрөлжсөн байгууллагын нэг юм.
Дэлхийн хоёрдугаар дайны дараа Европ, Хятадын өлсгөлөнд автсан, эмзэг байдалтай хүүхдүүдийг хоол хүнс, хувцсаар яаралтай хэрэгцээг хангах зорилгоор Хүүхдийн санг НҮБ-ын Ерөнхий Ассамблей 1946 онд анхны чуулганы шийдвэрээр байгуулсан билээ.
НҮБ-ын Хүүхдийн сангийн зорилтуудыг энгийн үгээр тайлбарлавал:
- Хүүхдийн эрхийг хамгаалах
- Хүүхдийн үндсэн хэрэгцээг хангахад туслах
- Хүүхдийн чадавхи, бололцоог хөгжүүлэх
- Эмзэг хүүхдүүдэд тусгай халамж үзүүлэх
- Эмэгтэйчүүд, охидод тэгш эрх олгохын төлөө тэдний оролцоог нэмэгдүүлэх зэрэг олон ач холбогдол бүхий чиглэлүүдийн төлөө ажилладаг билээ.
Дэлхийн 140 орон НҮБ-ын Хүүхдийн сангийн гишүүн орон бөгөөд Монгол улсад ч мөн энэхүү байгууллага үйл ажиллагаагаа явуулдаг юм.
Дэлхийн орнуудын алдартай тамирчид, дуучид, одууд хүүхдийн сайн сайхны төлөө НҮБ-ын Хүүхдийн сангийн элчээр сонгогддог билээ. Та бүхний мэдэх олны танилуудаас НҮБ-ын Хүүхдийн сангийн элчүүдийг танилцуулья.
Хүүхэд бүрийн төлөө – НҮБ-ын Хүүхдийн сан
Дараагийн нийтлэлээрээ бид Монгол улс дахь НҮБ-ын Хүүхдийн сангийн үйл ажиллагааны талаар танилцуулах болно.
