Сандал өмсөх улирал айсуй. Эдгээр 10 өнгө болон нэйл арт хослол нь салонд очихдоо заавал үзүүлэх трендүүд юм.
Тод ягаан ижилхэн маникюр-педикюр
Энэ өнгөнд тайлбар шаарддаггүй. Бүхэлдээ энэ өнгөөр нэйл арт хийхэд зуны мэдрэмж шууд төрдөг. 2026 оны зун руу ойртох тусам тод өнгөнүүд эргэн хүчтэй орж ирж байна. Аялал, далайн эрэг, зуны арга хэмжээнд яг тохирно. Хэрвээ чи бүтэн нэг өнгө сонгохоос эргэлзэж байсан бол тод ягаан чамайг эргэлзэхээ болиход хүргэж магадгүй.
Сүүн маникюр + карамел (toffee) педикюр
Гарын хумсанд сүүн өнгө, хөлийн хумсанд дулаан карамел өнгө хослуулах нь энгийн хэрнээ маш дэгжин харагддаг. Сүүн өнгө нь гарыг эрүүл, гэрэлтсэн харагдуулж, карамел өнгө нь суурийг тогтоож зөөлөн, эмэгтэйлэг мэдрэмж өгнө. Хамгийн чухал нь карамел өнгөө зөв сонгох, үгүй бол дулаан биш, бүдэг харагдаж болно.
Velvet cat eye маникюр + сувдан хром педикюр
Энэ улирлын хамгийн олон давхар эффекттэй хослол. Өмнөх жилийн хурц нэг судалтай соронзон эффектээс илүү зөөлөн, гэрэл барьдаг “velvet cat eye” буюу “silk cat eye” стиль рүү шилжиж байна. Нил ягаан туяатай энэ гел техник үнэхээр гайхалтай. Харин хөл дээр зөөлөн сувдан бүрхүүл төгс тэнцвэржүүлнэ. Гялалзсан хром эффект нь хэтрүүлэхгүйгээр яг тохирно.
Цайвар цагаан French маникюр + пастел нил ягаан педикюр
French tip илүү зөөлөн, сонирхолтой болж хөгжиж байна. Өмнөх тод цагааны оронд кремэндуу off-white өнгө рүү шилжиж байгаа. Эхлээд үзүүрээ будаад, дараа нь дээрээс нь тунгалаг nude эсвэл ягаан өнгө давхарлаж контрастыг зөөллөхийг зөвлөж байна. Харин хөл дээр зөөлөн нил ягаан пастел нь хаврын мэдрэмжийг хэт хичээлгүйгээр өгнө. Хэтрүүлэлгүй, дэгжин харагдахыг хүссэн хүмүүсийн төгс сонголт.
Aura градиент маникюр + гааны ногоон педикюр
Aura эффекттэй нэйл арт одоо хамгийн их яригдаж байгаа техникүүдийн нэг. Зөөлөн ууссан өнгө нь гэрэлтсэн мэт харагдуулах ба TikTok дээр вайрал болсон. Гарт ягаанаас нил рүү шилжсэн градиент нь ууссан эффект өгнө. Энэ өнгө саарал сандалтай гоё зохицдог.
Судалтай нейл арт маникюр + сүүн цагаан педикюр
2026 оны хавар Pinterest дээр судалтай хумс тренд болж байна. Энэ нь загварлаг мэдрэмж өгөх ба метал акцент нь гоёл чимэглэлийн трендээс санаа авсан. Nude суурь дээр алтлаг эсвэл ягаан судал зурвал гайхалтай маникюр болно.
Харин хөл дээр сүүн цагаан өнгө тэнцвэржүүлж өгнө. Энэ нь бүх арьсны өнгө, хувцастай зохицож, цэвэрхэн, дэгжин харагдуулна.
Хром маникюр + хөх педикюр
Анхаарал татах хүчтэй хослол. 2026 онд хром хумс өмнөх шиг хурц толь мэт мөнгөлөг биш, харин ягаан, сувдан зөөлөн туяатай болж байна.
Хөлөнд хөх өнгө гайхалтай харагддаг. Хөх нь хар өнгийн зөөлөн хувилбар бөгөөд бүх төрлийн гуталтай зохицно. Зуны туршид тохиромжтой.
Жимсний туяатай маникюр + marshmallow педикюр
Энэ хаварт зөөлөн гялбаатай пастел өнгөнүүд ихсэх төлөвтэй. Хөл дээр marshmallow буюу сүүн цайвар өнгө бүхнийг тэнцвэржүүлнэ. Энгийн хэрнээ дэгжин, трендийн мэдрэмжтэй.
Cat eye French маникюр + хар педикюр
Энэ хослол дүрмийг эвдсэн ч маш дэгжин. Cat eye French tip нь хумсны угнаас урсаж, үзүүртээ бага зэрэг бараан гялбаатай болдог.
Хөл дээр гүн хар өнгө нь байх нь төгс хослол болдог. Зуны улиралд ийм бараан өнгө маш дэгжин, бүх сандаалтай зохицно.
Шоколад эспрессо өнгийн ижил маникюр-педикюр
Сандал өмсдөг улиралд бараан өнгө сонин сонсогдож болох ч үүнийг содон давуу тал болгоорой. Карамел, toffee өнгө тренд болж байгаа ч шоколадан бараан өнгө өөрийн гэсэн “чимээгүй хүч”-тэй. Хамгийн чухал нь гялалзсан өнгөлгөө.
АЛЬ ХЭДИЙНЭ ТРЕНДЭЭС ГАРСАН 3 ХУМСНЫ СТИЛЬ
Том цэцгэн нейл арт
Том зузаан цэцэг, 3D дизайн. Энэ тренд аль хэдийнээ үеэ өнгөрөөжээ.
Бүхэлдээ амьтны хээ
Хээтэй загвар өмнө нь тренд байсан ч одоо хэтрүүлсэн харагдана. Одоо бол зөвхөн 1-2 хумсан дээр акцент болгон хэрэглэдэг.
Хэт урт хумс + саа
Хэт урт хумс, саа нь өмнө нь тренд байсан ч одоо хуучирсан. Одоо илүү богино хумс, зөөлөн өнгө рүү шилжиж байна.
