Хэдхэн жижиг засвар таны төрхийг бүхэлд нь өөрчилж чадна.
1. Гараараа будах
Гараараа нүүрээ будах нь хурдан, амархан мэт санагдаж болох ч хуруу нь нян дамжуулах магадлалтайгаас гадна, арьсыг чангаах нь үрчлээ, унжилт үүсэхэд хүргэнэ.
Ингэхийн оронд чийгтэй мэйк-ап спонж ашигласнаар будаг илүү жигд уусч, бүтээгдэхүүний хэрэглээ ч багасна. Спонжоо агаар ордог саванд хадгалах нь хурдан хатааж, нян үржихээс сэргийлнэ.
2. Хар өнгийн нүдний харандаа хэрэглэх
Хэрэв та жижиг нүдтэй бол, нүдний доод талын доторх зураасыг хар харандаагаар зурвал нүд улам жижиг харагдана. Үүний оронд цайвар буюу арьсны өнгөтэй харандаа хэрэглэвэл нүдийг тодруулж, том харагдуулах нөлөөтэй.
3. Тохирохгүй бүтэцтэй бүтээгдэхүүн хэрэглэх
Нунтаг бүтээгдэхүүнүүд арьсны тослогийг дарж, түргэн сэргээхэд тохиромжтой ч хуурай арьсанд тохиромжгүй. Мөн гялалзсан, амьд төрх хүсэж байгаа үед тийм ч сайн сонголт биш. Учир нь нунтаг бүтээгдэхүүнүүд хуурайшсан хэсэгт наалдаж, зарим гэрэлд “ширхэгтэй” эсвэл будаг давхарласан мэт харагдаж болзошгүй.
Илүү зөөлөн, байгалийн төрхийг хүсэж байвал шингэн крем хэрэглээрэй. Шингэн суурь нь арьсанд илүү уусч, давхарлаж болох ч хэт зузаан харагддаггүй.
4. Хөмсгөө хэт их тодруулах
Хөмсгөө хэт их зурж, тодруулбал хэт будсан мэт эсвэл бүр нас нэмсэн мэт харагдаж болзошгүй. Үүний оронд нарийн үзүүртэй харандаа ашиглаж, зөвхөн шингэн хэсгийг будаарай.
Сойзоор зөөлөн самнаж, хурц зураасыг бүдгэрүүлж, хэлбэрийг зөөллөх хэрэгтэй. Хөмсгөө зураасны дараа тунгалаг гель түрхэж, хэлбэрийг нь түгжих нь таны будалтын чухал алхам юм.
5. Хэт цайвар өнгийн консилер хэрэглэх
Консилер бол олон хүний өдөр тутмын хэрэглээ боловч буруу өнгө сонгож хэрэглэвэл буруудна. Хэт цайвар консилер нь хүнд, шохой шиг харагдаж, нүдний доорх бараан хэсэг болон үрчлээг тодруулдаг.
Арьснаасаа ганцхан өнгөөр цайвар консилер сонго. Бүтээгдэхүүнийг гар дээрээ тавьж зөөлрүүлсний дараа багсаар товшин түрхэх нь арьсанд илүү жигд, ууссан мэт харагдуулахад тусална.
6. “Ягаан хацар”–ын алдаа (blush blindness)
Ягаан хацар нүүрэнд амьд төрх өгдөг ч, хэт их түрхвэл яг эсрэг нөлөөтэй. Олон хүн хэт их түрхсэнээ анзаардаггүй. TikTok дээр тренд болж байсан “Strawberry Girl” техник ашиглаарай: Улаан ба ягаан туяа агуулсан крем бүтэцтэй хацрын өнгөлөгч түрхээрэй. Энэ нь яг нарны улайлттай адил зөөлөн туяа өгдөг.
