Энэ удаад Барилгын политехникийн коллежийн Барилгын засал чимэглэлчний 2А ангийн сурагч О.Ариунзаяа болон тус коллежийн Нийгмийн түншлэл, үйлдвэрлэлийн дадлага хариуцсан аргазүйч О.Бөхчулууныг танилцуулж байна.
“Рио Тинто Монгол” ХХК өмнө нь Үндэсний соёл амралтын хүрээлэн буюу Хүүхдийн паркыг иргэд амарч зугаалах, эрүүл, тохилог орчинд чөлөөт цагаа өнгөрүүлэх боломжтой ногоон байгууламж болгон сэргээн засварласан. Харин энэ удаад Нийслэлийн Бизнес, инновацын газартай хамтран Баянхошуунд “Өсөлт хөгжлийн төв”-ийг “бойжуулж” байна.
Энэ төвд иргэд бизнесээ эхлүүлж, өргөжүүлж, хүүхдүүд англи хэлний сургалтад хамрагдаж, нэмээд жюү жицү спортоор хичээллэж, залуучууд ажлын ярилцлагад бэлдэх сургалтад хамрагдахаас эхлээд ажлын байранд зуучлуулж ер нас насны хүмүүс хувь хувьдаа хөгжиж байна.
“Өсөлт хөгжлийн төв”-өөс зохион байгуулж буй залуусыг хөдөлмөрийн зах зээлд бэлтгэх зорилготой ээлжит сургалт Барилгын политехник коллежид (2026.09.23) болов. Сургалт дуусгаад оюутан О.Ариунзаяа, багш О.Бөхчулуунтай ярилцлаа.
“АЖИЛД ОРОХОД ХЭРЭГ БОЛОХ ОЛОН ЗҮЙЛ МЭДЭЖ АВЛАА, ОДОО АЛЗАХГҮЙ БАЙХ”
Барилгын политехникийн коллежийн Барилгын засал чимэглэлчний 2А ангийн сурагч О.Ариунзаяа
-Би есдүгээр ангид орохдоо л “Ирэх хавар коллежид сурна” гэж төлөвлөсөн юм. Ингээд нийслэлийн Сонгинохайрхан дүүргийн 107 дугаар сургуульд есдүгээр ангиа төгсөөд Барилгын политехник коллежид элссэн. Аав маань барилгачин. Тиймээс засал чимэглэлийн дараа барилга, байшин ямар гоё өнгө үзэмжтэй болдгийг би сайн мэднэ.
Аав, ээждээ барилгын коллежид сурна, засал чимэглэлчний ангид элсэнэ гэхэд тэд ч дуртай хүлээн авсан. Ингээд л есдүгээр анги төгссөн гэрчилгээгээ барьж ирээд энэ коллежийн оюутан болсон доо. Одоо би хоёрдугаар курсэд суралцаж байна.
Коллежид сурахын нэг давуу тал нь үеийнхнээсээ эрт ажилд орно. Гэхдээ би одоо дөнгөж 16 настай. Ирэх жил коллежоо төгсөөд ажилд орлоо гэхэд надад мэдэхгүй, чадахгүй зүйл их бий. Барилгын засал чимэглэлчнээр ажиллахад хамгийн таатай нөхцөлтэй, боломжийн цалин хөлстэй компани аль юм, би тэр компанид ажилд оръё гэхэд хаанаас эхлэх, хэрхэн холбоо тогтоох, цаашлаад ажлын анкет хэрхэн бөглөх, ажлын ярилцлагын үед юуг анхаарах вэ гээд надад одоохондоо “томдсон” сэдэв олон байна.
Харин өнөөдрийн энэ сургалтаас ирээдүйд ажилд ороход хэрэгтэй олон ойлголт, мэдлэг олж авч чадлаа. Би гурван жил сураад, үргэлжлүүлэн коллежийнхоо техникийн боловсрол олгох ангид элсэхээр төлөвлөж байгаа. Ингэж мэргэжлээ ахиулан суралцаж, илүү ур чадвартай мэргэжилтэн болно. Би ирээдүйд өөрийгөө Монголын барилгын салбарын топ компанид ажилд орчихсон, инженер болчихсон, баг удирдаж байгаагаар мөрөөддөг.
Мэдээж тэр топ компани намайг шууд ажилд авчихгүй. Ажлын ярилцлагын үеэр өөртөө итгэлтэй байх, өөрийн давуу талаа зөв илэрхийлэх гээд энэ сургалтаас ирээдүйд хэрэг болох олон skill (ур чадвар)-тай боллоо, одоо бол алзахгүй байх.
Манай сургууль дадлагын байртай. Бид энэ байранд долоо хоногийн хоёр өдөр нь дадлагад гарч байгаа. Нэгдүгээр курстээ дадлагын байрандаа шавар зуурч, цацаж, өнгөлж, тэгшилж сурсан. Энэ жилээс замаск хийж сурна гэж багш хэлсэн. Одоохондоо шавар зуурч сураад байгаа ч ирээдүйд чадварлаг засал чимэглэлчин болно гэдэг итгэл, үнэмшилтэйгээр хичээлдээ шамдан суралцаж байна.
Миний ирээдүйн зорилго энгийн орчныг тав тухтай, үзэмжтэй болгох. Тиймээс сонгосон мэргэжлээрээ сайн сурч, олон зүйлийг мэдэж авч, ирээдүйд үнэ цэнтэй ажилтан болохыг л хүсэж байна.
“ОЮУТНУУДАД МААНЬ АЖЛЫН ЯРИЛЦЛАГАД БЭЛЭН БАЙХ ЧАДВАР ХЭЗЭЭД ХЭРЭГ БОЛНО”
Барилгын политехник коллежийн Нийгмийн түншлэл, үйлдвэрлэлийн дадлага хариуцсан аргазүйч О.Бөхчулуун
-Манай коллеж 1954 оноос хойш 70 гаруй жил барилгын мэргэжилтэй ажилтан бэлтгэх чиглэлээр үйл ажиллагаа явуулж мэргэжлийн болоод техникийн боловсрол эзэмшүүлж байна. Одоогоор 1700 гаруй оюутантай, барилгын засал чимэглэлчин, бетон арматурчин, мужаан, цахилгаанчин, сантехникч, нэмээд авто машины засварчин зэрэг мэргэжилтэн бэлтгэж байгаа.
Миний ажил үндсэндээ сурагчдаа аж ахуй нэгж байгууллагуудад холбон зуучилж үйлдвэрлэлийн дадлага хийлгэж, онолоор олсон мэдлэгийг практикт хэрэгжүүлж, шинэ туршлага хуримтлуулахад нь чиглүүлэх. Манай сурагчид үйлдвэрлэлийн дадлага хийх хугацаандаа байгууллагуудаас ажлын санал их авна.
Ер нь төгсөөгүй байхдаа л ажилтай болчих нь элбэг. Гэхдээ сурагчдад маань компаниудын ажлын ярилцлагад хэрхэн орох, анкетаа зөв цэгцтэй бөглөх, өөрийгөө товч тодорхой илэрхийлэхээс эхлээд зөөлөн ур хэзээд хэрэг болно. “Өсөлт хөгжлийн төв”-өөс өнөөдөр манай коллежид зохион байгуулсан “Ажлын ярилцлагад бэлтгэх” сургалт оюутнуудад маань тун өгөөжтэй санагдлаа.
Манай коллежийн сурагчид эрт ажилд ордог, сурч байх хугацаандаа ажлын санал хүлээгээд авчихдаг болохоор тэднийг маань нэг их том хүмүүс болчихсон мэтээр ойлгох нь бий. Гэхдээ насаар бол 10, 11,12 дугаар ангийн л хүүхдүүд шүү дээ. Амьдралын туршлага, аливаад хандах хувь хүний үзэл бодол нь төлөвшиж амжаагүй байгаа.
Тиймээс бид сурагчдынхаа хувь хүний хөгжил болоод зөөлөн ур чадварыг нэмэгдүүлэхээр “Өсөлт хөгжлийн төв”-тэй хамтран ажиллаж байна. Манай суралцагчдын хувь хүний чадварыг хөгжүүлэхэд, ажлын байранд бэлтгэхэд, Оюутолгойн бэлтгэн нийлүүлэгч компаниудад холбон зуучлахад хамтран ажиллаж буй энэхүү төвийн хамт олонд талархснаа илэрхийлье.
Аж ахуй нэгж байгууллагууд төгсөгчдөөс маань ажилтан авахаар манайд ханддаг. Надад одоогоор 40 гаруй аж ахуй нэгжээс 100 гаруй орон тооны захиалга ирчхээд байгаа. Эндээс харахад мэргэжилтнүүдийн хэрэгцээ жил ирэх тусам нэмэгдэж байна. Би энэ жил элсэлтийн комиссод ажилласан. Манай сургууль жилд цахилгаанчны ангид 60 хүүхэд элсүүлдэг. Гэтэл 100 гаруй хүүхэд бүртгүүлсэн тул шалгалт авч элсүүлсэн. Коллежи гэхээр үнэлэмж доогуур ойлголт өөрчлөгдсөн гэдгийг хэлмээр байна.
Гэрэл зургуудыг Д.Орхон
Энэ удаад Барилгын политехникийн коллежийн Барилгын засал чимэглэлчний 2А ангийн сурагч О.Ариунзаяа болон тус коллежийн Нийгмийн түншлэл, үйлдвэрлэлийн дадлага хариуцсан аргазүйч О.Бөхчулууныг танилцуулж байна.
“Рио Тинто Монгол” ХХК өмнө нь Үндэсний соёл амралтын хүрээлэн буюу Хүүхдийн паркыг иргэд амарч зугаалах, эрүүл, тохилог орчинд чөлөөт цагаа өнгөрүүлэх боломжтой ногоон байгууламж болгон сэргээн засварласан. Харин энэ удаад Нийслэлийн Бизнес, инновацын газартай хамтран Баянхошуунд “Өсөлт хөгжлийн төв”-ийг “бойжуулж” байна.
Энэ төвд иргэд бизнесээ эхлүүлж, өргөжүүлж, хүүхдүүд англи хэлний сургалтад хамрагдаж, нэмээд жюү жицү спортоор хичээллэж, залуучууд ажлын ярилцлагад бэлдэх сургалтад хамрагдахаас эхлээд ажлын байранд зуучлуулж ер нас насны хүмүүс хувь хувьдаа хөгжиж байна.
“Өсөлт хөгжлийн төв”-өөс зохион байгуулж буй залуусыг хөдөлмөрийн зах зээлд бэлтгэх зорилготой ээлжит сургалт Барилгын политехник коллежид (2026.09.23) болов. Сургалт дуусгаад оюутан О.Ариунзаяа, багш О.Бөхчулуунтай ярилцлаа.
“АЖИЛД ОРОХОД ХЭРЭГ БОЛОХ ОЛОН ЗҮЙЛ МЭДЭЖ АВЛАА, ОДОО АЛЗАХГҮЙ БАЙХ”
Барилгын политехникийн коллежийн Барилгын засал чимэглэлчний 2А ангийн сурагч О.Ариунзаяа
-Би есдүгээр ангид орохдоо л “Ирэх хавар коллежид сурна” гэж төлөвлөсөн юм. Ингээд нийслэлийн Сонгинохайрхан дүүргийн 107 дугаар сургуульд есдүгээр ангиа төгсөөд Барилгын политехник коллежид элссэн. Аав маань барилгачин. Тиймээс засал чимэглэлийн дараа барилга, байшин ямар гоё өнгө үзэмжтэй болдгийг би сайн мэднэ.
Аав, ээждээ барилгын коллежид сурна, засал чимэглэлчний ангид элсэнэ гэхэд тэд ч дуртай хүлээн авсан. Ингээд л есдүгээр анги төгссөн гэрчилгээгээ барьж ирээд энэ коллежийн оюутан болсон доо. Одоо би хоёрдугаар курсэд суралцаж байна.
Коллежид сурахын нэг давуу тал нь үеийнхнээсээ эрт ажилд орно. Гэхдээ би одоо дөнгөж 16 настай. Ирэх жил коллежоо төгсөөд ажилд орлоо гэхэд надад мэдэхгүй, чадахгүй зүйл их бий. Барилгын засал чимэглэлчнээр ажиллахад хамгийн таатай нөхцөлтэй, боломжийн цалин хөлстэй компани аль юм, би тэр компанид ажилд оръё гэхэд хаанаас эхлэх, хэрхэн холбоо тогтоох, цаашлаад ажлын анкет хэрхэн бөглөх, ажлын ярилцлагын үед юуг анхаарах вэ гээд надад одоохондоо “томдсон” сэдэв олон байна.
Харин өнөөдрийн энэ сургалтаас ирээдүйд ажилд ороход хэрэгтэй олон ойлголт, мэдлэг олж авч чадлаа. Би гурван жил сураад, үргэлжлүүлэн коллежийнхоо техникийн боловсрол олгох ангид элсэхээр төлөвлөж байгаа. Ингэж мэргэжлээ ахиулан суралцаж, илүү ур чадвартай мэргэжилтэн болно. Би ирээдүйд өөрийгөө Монголын барилгын салбарын топ компанид ажилд орчихсон, инженер болчихсон, баг удирдаж байгаагаар мөрөөддөг.
Мэдээж тэр топ компани намайг шууд ажилд авчихгүй. Ажлын ярилцлагын үеэр өөртөө итгэлтэй байх, өөрийн давуу талаа зөв илэрхийлэх гээд энэ сургалтаас ирээдүйд хэрэг болох олон skill (ур чадвар)-тай боллоо, одоо бол алзахгүй байх.
Манай сургууль дадлагын байртай. Бид энэ байранд долоо хоногийн хоёр өдөр нь дадлагад гарч байгаа. Нэгдүгээр курстээ дадлагын байрандаа шавар зуурч, цацаж, өнгөлж, тэгшилж сурсан. Энэ жилээс замаск хийж сурна гэж багш хэлсэн. Одоохондоо шавар зуурч сураад байгаа ч ирээдүйд чадварлаг засал чимэглэлчин болно гэдэг итгэл, үнэмшилтэйгээр хичээлдээ шамдан суралцаж байна.
Миний ирээдүйн зорилго энгийн орчныг тав тухтай, үзэмжтэй болгох. Тиймээс сонгосон мэргэжлээрээ сайн сурч, олон зүйлийг мэдэж авч, ирээдүйд үнэ цэнтэй ажилтан болохыг л хүсэж байна.
“ОЮУТНУУДАД МААНЬ АЖЛЫН ЯРИЛЦЛАГАД БЭЛЭН БАЙХ ЧАДВАР ХЭЗЭЭД ХЭРЭГ БОЛНО”
Барилгын политехник коллежийн Нийгмийн түншлэл, үйлдвэрлэлийн дадлага хариуцсан аргазүйч О.Бөхчулуун
-Манай коллеж 1954 оноос хойш 70 гаруй жил барилгын мэргэжилтэй ажилтан бэлтгэх чиглэлээр үйл ажиллагаа явуулж мэргэжлийн болоод техникийн боловсрол эзэмшүүлж байна. Одоогоор 1700 гаруй оюутантай, барилгын засал чимэглэлчин, бетон арматурчин, мужаан, цахилгаанчин, сантехникч, нэмээд авто машины засварчин зэрэг мэргэжилтэн бэлтгэж байгаа.
Миний ажил үндсэндээ сурагчдаа аж ахуй нэгж байгууллагуудад холбон зуучилж үйлдвэрлэлийн дадлага хийлгэж, онолоор олсон мэдлэгийг практикт хэрэгжүүлж, шинэ туршлага хуримтлуулахад нь чиглүүлэх. Манай сурагчид үйлдвэрлэлийн дадлага хийх хугацаандаа байгууллагуудаас ажлын санал их авна.
Ер нь төгсөөгүй байхдаа л ажилтай болчих нь элбэг. Гэхдээ сурагчдад маань компаниудын ажлын ярилцлагад хэрхэн орох, анкетаа зөв цэгцтэй бөглөх, өөрийгөө товч тодорхой илэрхийлэхээс эхлээд зөөлөн ур хэзээд хэрэг болно. “Өсөлт хөгжлийн төв”-өөс өнөөдөр манай коллежид зохион байгуулсан “Ажлын ярилцлагад бэлтгэх” сургалт оюутнуудад маань тун өгөөжтэй санагдлаа.
Манай коллежийн сурагчид эрт ажилд ордог, сурч байх хугацаандаа ажлын санал хүлээгээд авчихдаг болохоор тэднийг маань нэг их том хүмүүс болчихсон мэтээр ойлгох нь бий. Гэхдээ насаар бол 10, 11,12 дугаар ангийн л хүүхдүүд шүү дээ. Амьдралын туршлага, аливаад хандах хувь хүний үзэл бодол нь төлөвшиж амжаагүй байгаа.
Тиймээс бид сурагчдынхаа хувь хүний хөгжил болоод зөөлөн ур чадварыг нэмэгдүүлэхээр “Өсөлт хөгжлийн төв”-тэй хамтран ажиллаж байна. Манай суралцагчдын хувь хүний чадварыг хөгжүүлэхэд, ажлын байранд бэлтгэхэд, Оюутолгойн бэлтгэн нийлүүлэгч компаниудад холбон зуучлахад хамтран ажиллаж буй энэхүү төвийн хамт олонд талархснаа илэрхийлье.
Аж ахуй нэгж байгууллагууд төгсөгчдөөс маань ажилтан авахаар манайд ханддаг. Надад одоогоор 40 гаруй аж ахуй нэгжээс 100 гаруй орон тооны захиалга ирчхээд байгаа. Эндээс харахад мэргэжилтнүүдийн хэрэгцээ жил ирэх тусам нэмэгдэж байна. Би энэ жил элсэлтийн комиссод ажилласан. Манай сургууль жилд цахилгаанчны ангид 60 хүүхэд элсүүлдэг. Гэтэл 100 гаруй хүүхэд бүртгүүлсэн тул шалгалт авч элсүүлсэн. Коллежи гэхээр үнэлэмж доогуур ойлголт өөрчлөгдсөн гэдгийг хэлмээр байна.
Гэрэл зургуудыг Д.Орхон
3647
