АЙСЕК Монгол: “Зоригжуул, Оролц, Шийдвэрлэ”
Уншигч та амьдарч байгаа орчиндоо, нийгэмдээ, хүрээлэлдээ өөрчлөлт гаргахыг хүсдэг үү? Заавал хэн нэгэн албан тушаалтан, эсвэл ямар нэгэн төрийн байгууллага л хийх биш, орчин цагт залуус өөрсдөө санаачилгыг бага багаар гартаа авч, манлайлж, хөгжиж, зохион байгуулж шинэчлэлт хийж эхэлж байгааг мэдсэн үү?
АЙСЕК Монгол сайн дурын байгууллага нь 18-30 насны, өөрчлөлт хийхэд бэлэн, өөрсдийгөө сорих хүсэлтэй хэн бүхэнд нээлттэй. Та төсөл дээр ажиллаж, үр дүнгээ бодитоор хэрэгжүүлэх эрмэлзэлтэй бол уг нийтлэлд анхаарлаа хандуулна уу.
АЙСЕК Монгол олон улсын сайн дурын байгууллагаас “YouthSpeak” буюу “Залуусын дуу хоолой” эвентийг энэ жилээс эхлэн жил бүр зохион байгуулах гэж байна. 2022 оны нэгдүгээр сарын 6-ны өдөр болох уг эвент нь өдөрлөг /Youth Speak Forum/ болон тэмцээн /Youth Speak Competition/ гэх хэсгээс бүрдэнэ.
Өдөрлөгийн хүрээнд залуусын дуу хоолойг нийгэмд хүргэх хэлэлцүүлэг, тэдэнд зориулсан яриа зохион байгуулахаас гадна оролцогчид богино хугацаанд их хэмжээний туршлага хуримтлуулан өөрийгөө хөгжүүлэх воркшоп хийснээр хамтдаа гайхалтай дурсамжийг бүтээх давуу талтай юм.
Харин тэмцээний үе шатууд нь өдөрлөгийн өмнө болох бөгөөд судалгаа хийх, тухайн сэдвийн хүрээнд төсөл боловсруулах гэсэн 2 хэсгээс бүрдэх аж. Залуус өөрсдийн төслөө тухайн өдөрлөг дээр олон нийтэд танилцуулж шалгарсан төслүүд шагнал хүртэнэ.
Хамрах хүрээ: Ахлах сургуулийн 12-р анги болон түүнээс дээш насныхан оролцох боломжтой
Зорилго: Нийгэм дэх залуусын оролцоо, хувь нэмэр мөн тэдний ажлын байрыг сайжруулах зорилгоор Тогтвортой Хөгжлийн 8 болон 16 дугаар зорилт дээр тулгуурлан YouthSpeak Forum өдөрлөгийг “Залуус ба цар тахлын дараах ажлын талбар” сэдвээр хийж буй юм.
Өдөрлөгийн давуу тал
- Сэдвийн хүрээнд өөрийн үзэл бодлоо нийгэмд хүргэх
- Зочин илтгэгчдийн үнэ цэнтэй яриаг сонсох
- Тогтвортой хөгжлийн зорилтуудын талаар мэдлэгтэй болох
- Танилын хүрээгээ тэлэх
- Хоорондын харилцааг идэвхжүүлэх үйл ажиллагаанд оролцох
- Илтгэгч нараас хүссэн асуултаа асуух
- Шинэлэг санаа дүүрэн төслүүдтэй танилцах
- Өдрийг маш үр бүтээлтэй, дурсамж, туршлагатай өнгөрүүлэх
Тэмцээний давуу тал
- Багаар ажиллах
- Бусдын ажлыг үнэлэх, дүгнэх
- Судалгааны ажил хийх
- Нийгэмдээ хариуцлагатай, оролцоотой иргэн байх
- Шүүмжлэлт сэтгэлгээгээ хөгжүүлэх
- Төсөл боловсруулж сурах
- Салбар болгоны мэргэжилтнүүдээс зөвлөгөө авах, шүүмж сонсох
Тэмцээний үе шатууд:
1-р шат: Сэдвийн хүрээнд судалгааны ажил хийх (12.15-ны 11:59 цагт эхний шатны материал хүлээн авч дуусна.)
2-р шат: Эхний шатанд тэнцсэн багууд сэдвийн хүрээнд төсөл боловсруулах (12.30-ны 23:59 цагт төслийн материал хүлээн авч дуусна, 01.06 буюу YOUTHSPEAK FORUM-ын зохион байгуулагдах өдөр төслөө танилцуулан ялагчийг тодруулна.)
Дэлгэрэнгүйг:
Youth Speak-ийн цахим хаягууд болох https://www.facebook.com/YouthSpeakMongolia (Фэйсбүүк), https://www.instagram.com/aiesecmongolia/ (Инстаграм)-г дагаж цаг алдалгүй мэдээлэл аваарай.
