Америкийн алдарт "Nickelodeon" хүүхдийн сувгийн "iCarly" цувралын цоо шинэхэн ангиуд ирэх онд үзэгчдийн хүртээл болохоор болжээ.
Зохиолч Jay Kogen Твиттер хуудаснаа:
- "Хүмүүс намайг ойрд ямар төсөл дээр ажиллаж байгаа талаар их асууж байна. Одоо хэлье. Бид iCarly цувралын шинэхэн хувилбар дээр ажиллаж байгаа. "Paramount+" видео стрийминг үйлчилгээнээс гаргасан хүсэлтийн дагуу цувралын гол дүрийн жүжигчид болох Miranda Cosgrove, Jerry Trainor, Nathan Kress нар тоглоно" хэмээн бичжээ.
-093256-1727386296.jpeg)
Өдгөө жүжигчин Miranda Cosgrove 27, Nathan Kress 28, Jerry Trainor 43 настай буюу уг цувралын гол дүрийн жүжигчид бүгд нас биед хүрсэн учир одоо хийгдэж буй шинэхэн ангиудыг насанд хүрэгчид ч үзэх боломжтой байх талаас нь анхаарч байгаа аж.
Хэдийгээр iCarly цуврал дахин хийгдэх болсон нь гайхалтай ч жүжигчин Jennette McCurdy буюу Sam маань эргэн ирэхгүй нь харамсалтай.
"iCarly" цуврал 2007-2012 оны хооронд үргэлжилсэн бөгөөд нийт 96 анги үзэгчдийн хүртээл болсон юм. Та бүхэнд сонирхуулан хэлэхэд уг цувралд АНУ-ын анхны Африк Америк гаралтай тэргүүн хатагтай Michelle Obama, нэрт загвар өмсөгч Emily Ratajkowski, дэлхийн хамгийн өндөр үнэлгээтэй эмэгтэй жүжигчдийн нэг Emma Stone нар тоглож байсан билээ.
Эх сурвалж: CNN
