2024 онд Монголын хөгжмийн ертөнцөд олон шинэ, сонирхолтой дуунууд төрсөн үзүүштэй жил байлаа. Уран бүтээлчид шинэ хэв маяг, бүтээлч байдал, хамтын ажиллагаагаар хөгжмийн цар хүрээгээ тэлж, ур чадвараа ахиулсан онцгой жил болж өнгөрөв.
Салбартаа тэргүүлэгч дуучид, репперүүдээс гадна тэдэнтэй эн зэрэгцэхүйц өрсөлдөх залуу үе тэр дундаа өсвөр насны уран бүтээлчид шинээр мэндэлж буй нь энэ жилийн онцлох явдал байв. Ингээд Yolo.mn сайтын уншигч та бүхэндээ энэ онд олны хүртээл болж, Youtube платформ дээр хамгийн өндөр хандалт авсан 15 монгол дууны жагсаалтыг хүргэж байна.
15. Desant ft Jason – Наашаа Суу
Цацагдсан өдөр: Тавдугаар сарын 27
Үзэлтийн тоо: 5сая 200 мянга
Энэхүү дууны үг, ая нь орчин үеийн хип хоп, R&B урсгалыг хослуулсан бөгөөд залуусын өдөр тутмын амьдрал, нөхөрлөлийн сэдвийг хөндсөн эрч хүчтэй хэмнэлтэй уран бүтээл юм.
14. Rokit Bay – Үүлэн цоорхойн нар ft Хонх
Цацагдсан өдөр: Есдүгээр сарын 4
Үзэлтийн тоо: 5сая 300 мянга
Rokit Bay Хонх хамтлагийн алдартай дуу болох “Үүлэн чөлөөний нар” дууг шинэчилж, орчин үеийн хип хоп урлагтай хослуулан хүргэсэн билээ. Энэ нь хуучин, шинэ үеийн хөгжмийн хэв маягийг нэгтгэн сонсогчдодоо шинэлэг мэдрэмж төрүүлдэг. Мөн дууны клип нь кино шиг өрнөлтэй, өндөр чанартайгаар бүтээгдсэн нь үзэгчдээс өндөр үнэлгээ авч, дууны утга санааг илүү тодотгож өгчээ.
13. Батцэцэглэн - Монгол ардын дуу хоёр сэтгэл
Цацагдсан өдөр: Хоёрдугаар сарын 29
Үзэлтийн тоо: 5сая 600 мянга
Монгол ардын дуу болох "Хоёр сэтгэл"-ийг дуучин Б.Батцэцэглэн дуулж олонд хүргэсэн. Жил ирэх тусам мартагдаж буй уртын дуугаа сэргээж, өөрийн өвөрмөц хоолойгоор амилуулж дуулсан нь олон сонсогчдын сэтгэлд хүрсэн гайхалтай бүтээл болсон юм.
12. Rokit Bay ft Trishna – Галзуу Новш
Цацагдсан өдөр: Зургаадугаар сарын 26
Үзэлтийн тоо: 5сая 700 мянга
"Галзуу Новш" дуу нь Rokit Bay болон Trishna нарын хамтын анхны бүтээл юм. Хоёул уран бүтээлдээ өвөрмөц хэв маяг, дотоод ертөнцийг илэрхийлдэг бөгөөд хамтын бүтээл нь шинэлэг, сонирхолтой мэдрэмж төрүүлсэн өөр түвшний бүтээл болсон гэдгийг фенүүд нь онцлов. Дуу цацагдсан даруйдаа алдаршиж, YouTube дээрх албан ёсны клип нь богино хугацаанд олон үзэлтийг авчээ.
11. Taijin - Тэр сарыг хар даа
Цацагдсан өдөр: Хоёрдугаар сарын 17
Үзэлтийн тоо: 6сая
Taijin нь Монголын залуу дуучин, дуу зохиогч бөгөөд сүүлийн жилүүдэд уран бүтээлээрээ олны танил болж байна. Тэрээр дууныхаа үгийг өөрөө бичиж, аялгуугаа зохиодог бөгөөд мэдрэмж, дурсамжаа дуу хөгжмөөр илэрхийлдэг уран бүтээлч юм. Түүний “Тэр сарыг хар даа” дуу youtube хуудаснаа аль хэдийн 6 сая үзэлтийг давжээ.
10. Temka – Goo
Цацагдсан өдөр: Наймдугаар сарын 5
Үзэлтийн тоо: 6сая 100мянга
“Эмоци” продакшны залуу хосууд болох Тэмүүжин, Нарансолонго нар энэ зун хуримаа хийсэн билээ. Тэмүүжин хайрт эхнэр Нарансолонгодоо зориулан “Goo” хэмээх дуу гаргасан нь олон сонсогчдын дунд алдартай болжээ.
9. Young Mo’G ft YoungSub – Tugarin
Цацагдсан өдөр: Дөрөвдүгээр сарын 10
Үзэлтийн тоо: 6сая 500 мянга
"Tugarin" дуу нь Монголын залуу репперүүд болох Young Mo'G болон YoungSub нарын хамтын бүтээл юм. Клип нь орчин үеийн, динамик зураг авалттай бөгөөд дууны агуулгыг тодотгож, үзэгчдэд сэтгэл хөдлөм мэдрэмж төрүүлдэг.
8. Sekstsagaanbogd – Seks ft friutybaachka, Bektor Petrovic
Цацагдсан өдөр: Тавдугаар сарын 17
Үзэлтийн тоо: 6 сая 600 мянга
Монголын орчин үеийн хип хопын төлөөлөл болсон залуу репперүүдийн хамтарсан тус дуунаас тэдний өөрсдийн хэв маяг, эрч хүчийг мэдрэх боломжтой.
7. Maraljingoo - Тэнгисийн эрэг дээр 247
Цацагдсан өдөр: Гуравдугаар сарын 10
Үзэлтийн тоо: 6сая 800 мянга
Тэнгисийн эрэг дээр 24/7 шоуны дууг Маралжингоо өөрийн содон ая хэмнэлээр эгшиг нэмжээ. Энэхүү дуу нь гунигтай хэр нь санан үгүйлсэн мэдрэмжийг өгүүлэх ба амар тайван далайн хэмнэлийг клипэндээ харуулж өгсөн нь сайн бүтээл болгоход хүргэжээ.
6. Khaliun – Шалтгаангүй
Цацагдсан өдөр: Гуравдугаар сарын 5
Үзэлтийн тоо: 8сая
“Moon Dance” хамтлагийн бүжигчин Халиун сүүлийн жилүүдэд өөрийн дуунуудаа цацаж дуулах чадвараа батлан харуулаад буй. Түүний дуунууд нь ихэвчлэн поп, R&B урсгалд багтдаг бөгөөд ихэнх нь хөнгөн дуулалт, сэтгэл хөдөлгөм цоглог аятай байдаг. Тэрээр “Toonot Records”-ийн артистаар ажилладаг билээ.
5. Bayartsengel - Хайр Эзэнтэй
Цацагдсан өдөр: Хоёрдугаар сарын 6
Үзэлтийн тоо: 8сая 380 мянга
П.Баярцэнгэл нь дуулалт, жүжиглэлтийн тал дээр өндөр ур чадвартай нэгэн. Түүний дууны сонголт нь ихэвчлэн гэрэл гэгээтэй, урам зориг өгөх сэдвүүдийг хөнддөг гэдгээрээ онцлогтой. Тэрээр энэ удаад ч хайрын тухай сэдвийг авч дуугаа чадварлагаар амилуулжээ.
4. Hishigdalai & Ginjin - Хадын оройгоор
Цацагдсан өдөр: Нэгдүгээр сарын 27
Үзэлтийн тоо: 8сая 564 мянга
Цацагдсан даруйдаа сонсогчдоо хоёр талцуулж шуугиан дэгдээгээд амжсан “Хадын оройгоор” дуу youtube хуудаснаа аль хэдийн 8 сая гаруй үзэлт авчээ. Сонсогчдын нэг хэсэг нь “дуу гутаалаа” хэмээн дургүйцлээ илэрхийлж байсан бол нөгөө хэсэг нь “энэ дуугаар дамжуулан түүхээ мэдээд авлаа” гээд сайшаалтай хандаж байсан юм.
3. Rokit Bay – Blaavgai
Цацагдсан өдөр: Гуравдугаар сарын 24
Үзэлтийн тоо: 10сая 39 мянга
Rokit Bay-ийн "BLAAVGAI" дуу нь реппер FLA буюу Б.Жавхлантөгсийн "Shaaltsii" дууны хариу болгон бүтээсэн дисс дуу юм. Дуу нь цацагдсанаас хойш 14 цагийн дотор 1 сая үзэлт авсан байна.
2. Davaidasha ft Friutybaachka – Байгалийн
Цацагдсан өдөр: Хоёрдугаар сарын 4
Үзэлтийн тоо: 11сая 989 мянга
Өөрийн стиль, дүр төрх, хоолойн цар хүрээгээр бусдаас онцгойрон амжилттай яваа залуусын нэг бол Davaidasha. Тэрээр өөрийн гэсэн олон хит дуутай бөгөөд энэ жил ч мөн адил бас нэгэн хит дуугаа цацжээ. Эл дуу нь эмэгтэй хүний байгалийн гоо үзэсгэлэнг магтан дуулсан бүтээл юм.
Таны хувьд энэ жил ямар дуу шилдэг байсан бэ?
Эх сурвалж: Youtube
