2024 оны онцлох хүүхдийн батламж гардуулах ёслол өнөөдөр /2024.12.25/ боллоо. Оны онцлох хүүхдээр онцгой амжилт гарган эх орныхоо нэрийг өндөрт өргөн үе тэнгийнхнээ манлайлсан 74 хүүхэд шалгарлаа.
2024 онд үндэсний болон олон улс, тив дэлхийн түвшинд:
- Оюун ухаан
- Сурлага
- Урлаг, уран бүтээл
- Биеийн тамир, спорт
- Байгаль хамгаалал
- Монгол ёс, түүх, соёлыг өвлөн уламжлаг
- Хүмүүнлэг энэрэнгүй, сайн үйлстэн
- Хүүхдийн оролцооны байгууллагын манлайлагч хүүхэд
- Техник сэтгэлгээ, шинэ санаачилга
- Багийн амжилт гэсэн 10 төрөлд үндэсний хэмжээнд 1678 хүүхэд өрсөлдлөө.
Шагнал гардан авсан хүүхдүүдээс онцолбол "Том толгойтын адал явдал” дөрвөн цуврал киногоороо олонд танигдсан Нийслэлийн Баянзүрх дүүргийн Амжилт Кибер сургуулийн 12-2 ангийн сурагч С.Бишрэл, О.Эгшиглэнт-Од нар 2024 оны онцлох хүүхдүүдийн нэгээр шалгарлаа.
Галаас хоёр хүүхдийн амь аварсан Дархан-Уул аймгийн 31 дүгээр сургуулийн 8б ангийн сурагч Н.Мөнхбаатар, 10б ангийн сурагч Э.Ганцоож нар 2024 оны онцлох хүүхдийн нэгээр шалгарч, батламжаа гардан авлаа. Тэд “Хүмүүнлэг, энэрэнгүй сайн үйлстэн” төрөлд шагналыг хүртжээ.
"СУРЛАГЫН АМЖИЛТЫН ТӨРЛӨӨР" ШАЛГАРСАН ОНЫ ОНЦЛОХ ХҮҮХДҮҮД
"ОЮУН УХААНЫ СПОРТЫН ТӨРЛӨӨР" ШАЛГАРСАН ОНЫ ОНЦЛОХ ХҮҮХДҮҮД
"БИЕИЙН ТАМИР, СПОРТЫН ТӨРЛӨӨР" ШАЛГАРСАН ОНЫ ОНЦЛОХ ХҮҮХДҮҮД
"УРЛАГ УРАН БҮТЭЭЛ ТӨРЛӨӨР" ШАЛГАРСАН ОНЫ ОНЦЛОХ ХҮҮХДҮҮД
"МОНГОЛ ЁС, ТҮҮХ СОЁЛЫГ ӨВЛӨН УЛАМЖЛАГЧ ТӨРӨЛД ШАЛГАРСАН ХҮҮХДҮҮД
"БАЙГАЛЬ ХАМГААЛАЛ, ЭРҮҮЛ АЮУЛГҮЙ ОРЧИН" ТӨРӨЛД "ОНЫ ОНЦЛОХ ХҮҮХЭД"-ЭЭР ШАЛГАРСАН ХҮҮХДҮҮД
"ХҮМҮҮНЛЭГ ЭНЭРЭНГҮЙ САЙН ҮЙЛС" ТӨРӨЛД ОНЫ ОНЦЛОХ ХҮҮХЭД"-ЭЭР ШАЛГАРСАН ХҮҮХДҮҮД
"ТЕХНИК, СЭТГЭЛГЭЭ, ШИНЭ САНАЛ, САНААЧИЛГА, БҮТЭЭЛЧ БАЙДАЛ" ТӨРӨЛД ШАЛГАРСАН ОНЫ ОНЦЛОХ ХҮҮХДҮҮД
"ХҮҮХДИЙН ОРОЛЦООНЫ ӨӨРИЙН УДИРДЛАГЫН БАЙГУУЛЛАГЫН ТӨРӨЛД" ОНЫ ОНЦЛОХ ХҮҮХЭД
"БАГИЙН АМЖИЛТ" ТӨРӨЛД "ОНЫ ОНЦЛОХ ХҮҮХЭД"-ЭЭР ШАЛГАРСАН ХҮҮХДҮҮД
Хүүхдийн төлөө үндэсний зөвлөл, Гэр бүл, хөдөлмөр, нийгмийн хамгааллын яам, Засгийн газрын хэрэгжүүлэгч агентлаг Хүүхэд, гэр бүлийн хөгжил, хамгааллын ерөнхий газраас “Оны онцлох хүүхэд”-ийг шалгаруулах ёслолыг 32 дахь жилдээ уламжлал болгон зохион байгууллаа.
