Вирусны эсрэг ШИЛДЭГ, ҮНЭГҮЙ программууд

Компьютерын вирус гэдэг нь компьютерын хэвийн үйл ажиллагааг өөрчлөх чадвартай программ юм. Вирус нь дараах хоёр нөхцөлийг хангасан байдаг. Үүнд:

Өөрөө өөрийгөө идэвхжүүлдэг. Компьютерыг ашиглах бүрэн эрхийг авсан буюу administrator горимд байгаа тохиолдолд вирус өөрөө өөрийгөө идэвхжүүлэн хор хөнөөл учруулж эхэлдэг.
Өөрийгөө хуулдаг. Жишээ нь ямар нэг гүйцэтгэлийн файл (даалгавруудыг үе шаттай агуулж компьютер дагаж хийж болохоор бүтэцтэй компьютерын файл)-ыг өөрийн нэрээр орлуулан хуулдаг.

Вирус нь компьютер болон сүлжээний серверүүдэд идэвхжин хор учруулдаг. Ихэнх вирус компьютер дэх программыг гэмтээх, файлуудыг устгах, хатуу дискийг формат хийх зэрэг хор хөнөөлтэй үйлдлүүдийг гүйцэтгэхээр програмчлагдсан байдаг бол зарим нь ийм хор учруулахгүйгээр зөвхөн өөрийгөө хуулж, вирус халдаасан гэдгээ мэдэгдүүлэхийн тулд текст, видео, дуут захиаг үлдээх зэрэг үйлдлийг хийдэг. Гэвч энэ бүхний үр дүнд компьютер ашиглаж буй хэрэглэгчдэд их бага хэмжээний бэрхшээлүүдийг учруулдаг байна.

Өөрийн компьютерыг вирусээс хамгаалахын тулд цахим орчноос аюултай файл татаж авахгүй байхаас гадна анти-вирус (antivirus) буюу вирусны эсрэг программыг компьютертээ суулгах хэрэгтэй. Вирусны эсрэг программ нь төлбөртэй болон төлбөргүй гэсэн 2 төрөл байдаг. Олон хүмүүс төлбөргүй программ нь төлбөртэй программаас муу гэж боддог. Тэгвэл төлбөртэй болон төлбөргүй программ нь яг ямар ялгаатай вэ ?

Вирусны эсрэг төлбөргүй программ чиний компьютерыг вирусээс бүрэн хамгаалж чадах энгийн программ бол харин вирусны эсрэг төлбөртэй программ нь албан байгууллагын болон нууцлал өндөртэй мэдээлэл агуулах төхөөрөмжийг хамгаалахын тулд аюултай файл байгаа эсэхийг илүү гүн хайлтаар судалж нэмэлт үйлдлүүдийг гүйцэтгэдэг байна.

Ингээд вирусны эсрэг төлбөргүй шилдэг программуудтай танилцацгаая.

ВИРУСНЫ ЭСРЭГ ТӨЛБӨРГҮЙ ПРОГРАММУУД

1. Avast Free Antivirus