Пүүл бильярдын залуучуудын ДАШТ-д Монгол Улсын тамирчин Э.Тэмүүжин мөнгөн медаль хүртлээ.
Тэрбээр ийнхүү Монголын бильярдын спортын түүхэнд нэгэн шинэ хуудас эхлүүлж дэлхийн аваргын хос мөнгөн медальтан боллоо. Э.Тэмүүжин 2016 оны ДАШТ-ээс мөнгөн медаль хүртэж байсан бол жилийн дараа залуучуудын ДАШТ медалиа ихэрлүүлэв. Тэрбээр хагас шигшээд Голландын тамирчин Ваныг 11:6 хожиж шигшээд шалгарсан.Алтан медалийн төлөөх тоглолтод ОХУ-ын тамирчин Федор Горстод 11:3 хожигдсон юм.
