Дээд шүүх нь шүүхийн шийдвэрийг хэвээр үлдээх, хөнгөвчлөх, хүчингүй болгох гэсэн гурван чиглэлийн эрхтэй. Уг хэргийн хүрээнд хянан хэлэлцээд Улсын дээд шүүх өөрчлөлт оруулахаар шийдвэрлэжээ.
Тодруулбал, Хяналтын шатны шүүхээс Ц.Дагвадоржийг онц харгис хэрцгий аргаар хоёр хүний амь хохироосон, 16 нас хүрээгүй хүнтэй бэлгийн харилцаанд орсон, бусдыг үйлдэл хийхийг шаардаж заналхийлсэн, бусдын эд хөрөнгийг залилаж, нуусан гэмт хэрэг үйлдсэн гэсэн дүгнэлт шаардлага хангасан хэмээн үзжээ.
Шүүгдэгч Э.Ган-Эрдэнийг цагаатгасныг хэвээр үлдээж, мөн хохирогчдын амийг хөнөөсөн Ц.Давгадоржид оноосон бүх насаар нь хорих ялыг хэвээр тогтоолоо. Мөн Э.Номин-Эрдэнийг хамсаатан гэснийг хэрэгсэхгүй болгож, эс үйлдэхгүйд нь дүгнэлт хийгээгүйг буруу гэж үзэж, түүнд холбогдох тогтоолыг хүчингүй болголоо.
Өөрөөр хэлбэл Э.Ган-Эрдэнийг цагаатгасан шийдвэрийг хэвээр үлдээж, Э.Номин-Эрдэнэ, Х.Энхсайханыг цагаатгасан шийдвэрийг хүчингүй болголоо. Тэднийг хувийн баталгаа гаргах, таслан сэргийлэх арга хэмжээ авахаар болов.
16 настай охиныг хөнөөсөн хэргийн талаар Улсын дээд шүүхээс гаргасан шийдвэрийг танилцууллаа.
Монгол Улсын дээд шүүхийн хяналтын шатны эрүүгийн хэргийн 2026 оны 10 дугаар сарын 29-ний өдрийн шүүх хуралдаанаар Ц.Давгадорж, Э.Ган-Эрдэнэ, Э.Номин-Эрдэнэ, Х.Энхсайхан нарт холбогдох хэргийг хохирогчийн хууль ёсны төлөөлөгч Г.Отгонтуяа, түүний өмгөөлөгч Б.Солонго, М.Баасанбат, Р.Булгамаа, Б.Баатарсайхан, З.Хүрэлсүх нарын гаргасан гомдлыг тус тус үндэслэн Эрүүгийн хэрэг хянан шийдвэрлэх тухай хуулийн 3.2 дугаар зүйлийн 1, 2 дахь хэсэгт зааснаар хаалттай хянан хэлэлцлээ.
Бусдын гарт онц хэрцгийгээр амиа алдсан 16 настай Ч.Шинэсаран охины хэрэгтэй холбоотой хохирогчийн ээжийн гомдлыг Улсын дээд шүүхийн хяналтын шатны шүүх хуралдаанаар өчигдөр /2026.10.29/ хаалттай хэлэлцэж 21:00 өнгөртөл үргэлжилсэн. Улмаар шүүхээс гарсан шийдвэрийг өнөөдөр /2026.10.30/ танилцуулж буй.
371
