2026–2027 оны хичээлийн жилийн “Монголд Та Хэрэгтэй” Менторшип хөтөлбөр эхэллээ.
“Монголд Та Хэрэгтэй” Менторшип хөтөлбөр гэж юу вэ? Манай Менторшип хөтөлбөр нь их сургуулийн нэгдүгээр курсийн оюутнуудад суралцах хугацаандаа өөрийгөө хөгжүүлэх, ирээдүйн ажил, мэргэжлийн зорилгоо тодорхойлох, ур чадвараа нэмэгдүүлэх, хөдөлмөрийн зах зээлд өрсөлдөх чадвараа бэхжүүлэхэд нь дэмжлэг үзүүлэх зорилготой.
Мөн хөтөлбөрийг амжилттай дүүргэсэн оролцогчдод сертификат олгоно.
ХӨТӨЛБӨРИЙН ХҮРЭЭНД ОРОЛЦОГЧИД:
- Хувь хүний хөгжлийн сургалт, семинарт хамрагдах;
- Туршлагатай ментороос тогтмол зөвлөгөө, чиглүүлэг авах;
- Төсөл, багийн ажилд оролцох;
- Ажлын байранд шаардлагатай ур чадвараа хөгжүүлэх;
- Байгууллагад дадлага хийх боломжтой болох;
- Сургалтын төлбөрийн тэтгэлэгт хамрагдах боломжтой.
ХӨТӨЛБӨРТ ХАМРАГДСАНААР:
- Салбар бүрийн шилдэг менторуудаас суралцах
- Долоо хоног бүр шинэ сэдвээр мэдлэг, ур чадвараа хөгжүүлэх
- Манлайлагч, идэвхтэй залуусын сүлжээний нэг хэсэг болох
- Багаар ажиллах, манлайлах чадвараа хөгжүүлэх
- Нийгэмд эерэг өөрчлөлт авчрах төсөл хэрэгжүүлэх
- Ажлын байранд шаардлагатай ур чадвар эзэмших
- Ёс зүйтэй, нийгмийн хариуцлагатай иргэн болон төлөвших
- Сургалтын төлбөрийн тэтгэлэгт хамрагдах боломжтой болох
- Монгол болон олон улсын шилдэг байгууллагуудад дадлага хийх боломжтой болох
ДАРААХ ШААРДЛАГЫГ ХАНГАСАН ОЮУТНУУДЫГ ӨРГӨДӨЛ ГАРГАХЫГ УРЬЖ БАЙНА.
- Монгол Улсын их сургуулийн бакалаврын анхны боловсрол эзэмшиж буй нэгдүгээр курсийн оюутан байх
- Элсэлтийн ерөнхий шалгалтын (ЭЕШ) 650 ба түүнээс дээш оноотой байх
- Хөтөлбөрийн 18 удаагийн Бямба гарагийн сургалт, семинарт тогтмол оролцох боломжтой байх: 2026 оны 10 дугаар сарын 24-нөөс 2027 оны 5 дугаар сарын 29-ний хооронд хуваарийн дагуу зохион байгуулагдана.
- Бага орлоготой өрхийн оюутан байх
СОНГОН ШАЛГАРУУЛАЛТ
Сонгон шалгаруулалт хоёр үе шаттай явагдана.
1) I үе шат – Анкет бөглөх
Доорх холбоосоор орж цахим анкетаа бөглөн илгээнэ.
https://tinyurl.com/MNY2026-Mentorship
2) II үе шат – Ярилцлага
Эхний шатанд шалгарсан оролцогчдыг ярилцлагад урина.
Ярилцлага: 2026 оны 10 дугаар сарын 10–11 өдрүүдэд (хуваарийн дагуу явагдана)
Эцсийн дүн: 2026 оны 10 дугаар сарын 12-ны 10:00 цагт бид бүртгүүлсэн имэйл хаягаар мэдэгдэнэ.
ХОЛБОО БАРИХ
Анкет болон сонгон шалгаруулалтын талаар асуух зүйл байвал:
mongolianeedsyou@gmail.com
АНКЕТ ХҮЛЭЭН АВАХ ХУГАЦАА:
2026 оны 8 дугаар сарын 3-ны 09:00 цагаас 2026 оны 10 дугаар сарын 3-ны 18:00 цаг хүртэл
