2026 оны хөл бөмбөгийн Дэлхийн аварга шалгаруулах тэмцээний хүрэл медалийн эздээр Английн шигшээ баг тодорлоо.
Тоглолт эхлээд гурав дахь минутад Английн хагас хамгаалагч Деклан Райс өрсөлдөгчийнхөө бөмбөгийг тасалж, өөрөө тууж явсаар эхний гоолыг оруулсан.
18 дахь минутад булангийн цохилт гүйцэтгэх үед Эзри Конса хаалганд мөргөснөөр Английн хоёр дахь гоолыг оруулав.
Энэ ДАШТ-д бэртлийн улмаас төдийлөн сайн тоглож чадаагүй Букайо Сака дараалсан гоолууд оруулсан нь энэ ДАШТ-д хийсэн анхны гоолууд нь болов.
Ингэснээр эхний үед гараанд гараагүй гол тоглогчид болох Харри Кейн, Жүд Беллингемгүй Английн шигшээ дөрвөн гоолтойгоор Францыг илүүрхэж эхэлсэн юм.
Хоёрдугаар үед Францын шигшээгээс дараалсан гурван гоол оруулж тооны харьцааг ойртуулж байсан ч торгуулийн талбайдаа алдаа гаргаж, өрсөлдөгчдөө торгуулийн цохилт өгсөн.
Энэ торгуулийн цохилтыг Сака амжилттай болгосноор хэт-трик хийж багтаа 5:3 гэсэн тэргүүллийг авчирсан юм. Шүүгч 7 минут сунгахад Осман Дембеле өөрийн нэр дээр гоол бүртгүүлж, 5:4 болгон тооны харьцааг ойртуулсан.
Гэсэн ч тоглолтын сүүлийн мөчид Жүд Беллингем өөрийн гоцлон тоглолтоор багийнхаа 6 дахь гоолыг оруулж, 6:4 гэсэн тооны харьцаагаар хожил авч, хүрэл медалийн эзэд боллоо.
