Монголын кино урлагийн зөвлөлөөс Ерөнхий боловсролын сургуулийн 9–11 дүгээр ангийн сурагчдын дунд уралдааныг зохион байгуулж байна.
Энэ нь кино урлагийн сонирхол, авьяасыг дэмжих, кино бүтээх тухай анхан шатны анхан шатны туршлагад суурилсан мэдлэг олгох зорилготой гэжээ.
Тус уралдаанд 21 аймаг болон нийслэлийн кино урлаг сонирхдог, энэ чиглэлээр мэргэжил эзэмших хүсэлтэй сурагчид оролцох боломжтой.
1. Тавигдах шаардлага
- Ерөнхий боловсролын сургуулийн 9–11 дүгээр ангийн сурагч байх
- Кино урлагт сонирхолтой, идэвх санаачилгатай байх
- Зохион байгуулагдах өдөрлөгт бүтэн нэг өдрийн турш оролцох боломжтой байх
2. Бүрдүүлэх материал
Оролцогчид сонгон шалгаруулалтад дараах 2 хэлбэрийн аль нэгээр оролцох боломжтой бөгөөд хоёуланг нь илгээвэл давуу тал болно.
- Кино урлагт яагаад дуртай, ямар түүхийг дэлгэцэнд амилуулахыг хүсэж байгаагаа илэрхийлсэн 1–3 минутын видео бичлэг ирүүлэх. (Бичлэгийг ямар ч хэлбэрээр бүтээсэн байж болно.)
- “Миний мөрөөдөл: Кино” сэдэвт 150–200 үгтэй эсээ бичих
3. Сонгон шалгаруулалт
Материалыг цахимаар хүлээн авна.
Сонгон шалгаруулалтыг мэргэжлийн комисс үнэлнэ.
4. Үнэлгээний шалгуур (нийт 100 оноо)
- Агуулгын ойлгомж, сэдвийн нийцэл – 30 оноо
- Санааны өвөрмөц, бүтээлч байдал – 30 оноо
- Өөрийн үзэл бодлоо илэрхийлсэн байдал – 20 оноо
- Хэл найруулга, бичгийн чадвар – 20 оноо
5. Шалгарсан оролцогчид
Шалгарсан 100 сурагч “Найрамдал” Олон Улсын хүүхдийн зусланд зохион байгуулагдах нэг өдрийн сургалт, өдөрлөгт оролцоно.
Өдөрлөгийн хүрээнд оролцогчид:
- Кино урлагийн танилцуулга лекц сонсох
- Кино үзвэр, задлан шинжилгээ, хэлэлцүүлэгт оролцох
- Кино бүтээх үе шаттай танилцах
- Багаар ажиллах практик дадлага хийх
- Уран бүтээлчидтэй уулзалт, чөлөөт ярилцлагад оролцох
- Богино хэмжээний кино бүтээн, өрсөлдөх
Материал хүлээн авах хугацаа: 2026 оны 05 дугаар сарын 18-ны 18:00 цаг хүртэл
Материал ирүүлэх холбоос: https://form.jotform.com/261132643616452
Дэлгэрэнгүй мэдээллийг Кино урлагийн зөвлөлийн Ажлын албаны 51-262226 утсаар ажлын цагаар лавлана уу.
