Найзуудтайгаа тоглох хөгжилтэй болон сонирхолтой тоглоом хайж байна уу? Багийн хамтын ажиллагаа шаардсан биеийн хөдөлгөөнтэй сорилтуудаас эхлээд, бүтээлч сэтгэлгээ болон хурдтай бодох чадварыг шалгадаг тоглоомууд маш олон байдаг. Тэр дундаас та бүхэнд найзуудтайгаа цагийг хөгжилтэй өнгөрүүлж болох 8 тоглоомын санааг санал болгож байна.
Тольгүй нүүр будалт хийх
Толь ашиглалгүй нүүр будалт хийх тэмцээн зохиож болно. Бүх хүн нүүр будалтаа дуусгасан хойно хэнийх нь хамгийн цэвэрхэн харагдаж байгаад санал өгч ялагчаа шалгаруулна. Хэний ч туслалцаа авалгүйгээр хэн нь нүүр будалтанд сайн гэдгээ мэдэж авахаас гадна маш хөгжилтэй цаг өнгөрнө гэдэгт итгэлтэй байна.
Хэн нь инээхгүй байх вэ?
Өөрсдийн үзэж болох инээдтэй бичлэгүүдээ сонгон тавиад хэн нь инээхгүй байхаа үзэж болно. Энэ тоглоомыг оноотой үзэж болох юм. Жишээ нь нэг найз чинь инээвэл тэр найзаас чинь 1 оноо хасагдана. Төгсгөлд нь хамгийн их оноотой нь ялагч болно.
Нүдээ боон зураг зурах
Нэг ёсны чи найзынхаа нүд нь, найз чинь чиний гар болж буй гэсэн үг юм. Яаж турших вэ гэхээр нэг нь нүдээ боон гартаа харандаа барин цаасан дээр өгөгдсөн зүйлсийг зурахад бэлдэнэ. Хажууд байх найз чинь өгөгдсөн зургийн дагуу зааварчилгаа өгч чамд чиглүүлж өгнө гэсэн үг юм. Хамтын ажиллагаа чухал учраас их сонирхолтой арга шүү.
Кинонд дуу оруулах
Олуулаа байх тусам илүү сонирхолтой. Өөрсдийн дуртай төрлийн киногоо сонгон дуу оруулж үзнэ. Хүүхэлдэйн кино байх тусам илүү дуу оруулах чадварыг шалгадаг учраас хүүхэлдэйн кинон дээр найзуудтайгаа хамт дуу оруулаад үзээрэй.
BeanBoozled Jelly
Хэрвээ Харри Поттер кинон дахь Бертие Боттын “Бүх төрлийн амттай чихэр” хэсгийг санаж байвал үүнтэй төстэй юм. Ямар ч төрлийн амттай чихэр байж болно. Муудсан өндөг, сармис эсвэл энгийн амттай чихэр гээд. Тэр дундаас сонгохын тулд тойргоор эргүүлдэг тоглоом шиг эргүүлээд сонгогдсоноо идэж болох юм.
Сонгогдсон орцоор хоол хийх
Жишээ нь 3 найз байлаа гэж бодоход хүн тус бүр нэгэндээ зориулан хоорондоо зохицохгүй хүнсний бүтээгдэхүүнийг сонгож өгнө. Хүн болгон авсан орцон дахь бүх зүйлээрээ хоол хийх ёстой. Маш сонирхолтой, хоол хийх ур чадварыг ч шалгах тоглоом юм.
Дуулж болохгүй
Бүх хүмүүс өөрсдийн дуртай 5 дуугаа сонгон бүх дуунуудаа нийлүүлэн тавина. Дүрэм нь маш энгийн дагаж дуулахгүй байх. Дуулсан хүн нь хожигдон оноогоо алдана. Хамгийн чухал нь хэн бүхний мэддэг, дуртай дуунуудаа сонгох.
Киног таах
Хүн болгоны мэддэг алдартай кинонууд олон бий шүү дээ. Тэдгээр кинонуудад тренд болсон хэсэгхэн үгнүүд, үйлдлүүд зөндөө байдаг. Найзуудаараа нэг нэгнээсээ тэр тренд болж байсан хэсгүүдийг хэлж эсвэл үйлдлээрээ үзүүлэн киноны нэрийг таалгаж болох юм.
Эх сурвалж: seventeen
