K-pop хамтлаг Big Bang-ийн ахлагч G-Dragon-ыг Соёлын медалиар, харин жүжигчин Бён Ү Сок-ыг Соёл, спорт, аялал жуулчлалын сайдын өргөмжлөлөөр шагнана.
Өчигдөр Соёл, спорт, аялал жуулчлалын яам болон Солонгосын бүтээлч контентийн агентлаг хамтран нийт 31 хүн, багийг “2025 оны Солонгосын Олон нийтийн соёл, урлагийн шагнал”-аар шагнахаа зарлалаа. Энэ шагнал нь Солонгосын олон нийтийн соёлыг хөгжүүлэхэд онцгой хувь нэмэр оруулсан уран бүтээлчдийг хүлээн зөвшөөрөх, тэдний нийгмийн байр суурь болон бүтээлч эрч хүчийг дэмжих зорилготой юм.
Энэхүү ёслол нь 10-р сарын 23-нд Сөүл хот дахь Үндэсний театрт болно.
Энэ жилийн шагналтнуудад Соёлын медалийн 6, Ерөнхийлөгчийн өргөмжлөлийн 7, Ерөнхий сайдын өргөмжлөлийн 8, Соёлын сайдын өргөмжлөлийн 10 хүртэгч багтаж байна.
