KOICA-ийн үйл ажиллагааг олон нийтэд сурталчлах, контент бэлтгэх, төслийн арга хэмжээнд дэмжлэг үзүүлэх “KOICA Supporters : Ko-Mong (KOICA Монгол дэмжигчид)”-ийг бүртгэж байна.
Ko-Mong нь KOICA-ийн Монгол дахь Суурин төлөөлөгчийн газраас хэрэгжүүлж буй төсөл, хөтөлбөрүүдийг олон нийтэд илүү ойлгомжтой, хүртээмжтэй хүргэх зорилготой залуусын сайн дурын баг юм.
KOICA Supporters : Ko-Mong нь олон улсын хөгжлийн хамтын ажиллагаанд оролцож, контент бүтээлч чадвараа хөгжүүлэх, олон улсын байгууллагатай хамтран ажиллах онцгой боломж юм.
Үндсэн даалгавар / Mission
- KOICA-ийн үйл ажиллагаа, төслийн үр дүнг олон нийтэд сурталчлах(share, repost)
- Нийгмийн сүлжээнд (Facebook, Instagram гэх мэт) контент бэлтгэх, нийтлэх
- KOICA-ийн арга хэмжээ, төсөлтэй холбоотой эвентүүдэд оролцож дэмжлэг үзүүлэх
- Монголын залуусын дунд олон улсын хамтын ажиллагааны үнэ цэнийг түгээх
Ямар үйл ажиллагаа хийх вэ?
- Бичлэг, зураг, постер, блог зэрэг олон төрлийн контент бүтээх
- KOICA-ийн хэрэгжүүлж буй төслүүд дээр интервью, сурвалжлага хийх
- Албан ёсны арга хэмжээ, эвентэд сайн дурын зохион байгуулалтын туслалцаа үзүүлэх
- Бусад дэмжигчидтэй хамтран багийн төсөл, сошиал кампанит ажил хэрэгжүүлэх
Дэмжлэг ба урамшуулал
- KOICA-аас албан ёсны сертификат олгоно.
- Сайн дурынхны ажилд шаардлагатай сурталчилгааны материал, брэндинг бүтээгдэхүүн (Hoodie, T-shirt, тэмдэг, блокнот... гэх мэт) хангана.
- Үйл ажиллагааны зардал, цалин олгохгүй боловч идэвхтэй оролцогчдод урамшууллын шагнал, дурсгалын зүйлс, онцлох сайн дурынхны өргөмжлөл олгоно.
- KOICA-ийн албан ёсны сувгуудаар таны бүтээсэн контент нийтлэгдэж, олон нийтэд хүрэх брэндинг, сурталчилгааны боломж бий болно.
- Networking хөтөлбөрт хамрагдах
Бүртгүүлэх бол ЭНД дарна уу.
