“Stranger Things”-ийн од Милли Бобби Браун нөхөр Жэйк Бонжиови хамтдаа анхны хүүхдээ угтан авснаа Instagram-даа хуваалцсан байна.
Тэд 2022 онд өгсөн ярилцлагадаа тэд анх найзууд байсан бөгөөд дараа нь болзож эхэлсэн гэжээ. Хосын холбоо улам батжиж, 2024 оны тавдугаар сард тэд нууцаар хуримаа хийсэн байна. Харин тухайн жилдээ гэр бүл, найзуудтайгаа хамт ёслолоо хийжээ.
Наймдугаар сарын 21-ний Пүрэв гарагт хосууд баярт мэдээгээ хуваалцжээ:
“Энэ зун бид хөөрхөн охин үрээ өргөж авлаа. Эцэг эх болох энэ үзэсгэлэнт шинэ бүлгээ эхлүүлж байгаадаа маш их баяртай байна. Ингээд бид гурав боллоо.” гэж бичжээ.
Фэнүүдийн хариу
“Өргөж авсан нь үнэхээр сайхан. Хүүхдэд хайр бэлэглэсэнд баярлалаа.”
“Ямар азтай хүүхэд вэ, ийм хосуудад өргөгдөх гэж. Үнэхээр гайхалтай сонголт хийжээ. Баяр хүргэе!”
“Тэдний шалтгаан ямар ч байсан, үрчлэлтийг сонгож байгаа нь үнэхээр сэтгэл хөдөлгөм байна. Надад маш их таалагдлаа.”
Энэ оны эхээр Милли “Smartless” подкастад ярилцлага өгөхдөө ээж болох мөрөөдлийнхөө талаар ярьжээ:
“Би өөрөө дөрвөн хүүхэдтэй айлын нэг. Жэйк ч бас дөрвийн нэг. Тиймээс бидний ирээдүйд зайлшгүй олон хүүхэд байгаа гэж боддог. Би үнэхээр том гэр бүлтэй болохыг хүсдэг.” хэмээн ярьсан байна. Түүний хувьд өргөмөл болон төрсөн хүүхэд хоёрын ялгаа үгүй гэжээ.
