“Улаанбаатарын үдэш 2025” шоу тоглолтыг долоодугаар сарын 11-ний 21:00-00:00 цагийн хооронд зохион байгуулна
“Улаанбаатарын үдэш 2025” Үндэсний их баяр наадамд зориулсан шоу тоглолтыг Д.Сүхбаатарын талбайд уламжлалт ёсоор зохион байгуулна.
Тодруулбал, шоу тоглолтыг төв талбайд зассан, нийслэлийн өмчийн тайзнаа долоодугаар сарын 11-ний орой 21:00-00:00 цагийн хооронд зохион байгуулж, тайз дэлгэцийн дүрс видео, гэрэлтүүлэг чимэглэлийн шинэлэг хийц хөгжмийн дуугаралт, мэргэжлийн түвшний найруулгатайгаар нийслэлийн иргэд, залуучууд, гадаад, дотоодын жуулчдад хүргэнэ.
Тоглолтод нийт 70 гаруй уран бүтээлч оролцох юм.
