Оюутан болж, их сургуулийн босгоор алхана гэдэг нь амьдралын дурсамжтай, үнэ цэнэтэй цаг хугацааны нэг учраас гайхалтай сайхан өнгөрүүлэх нь зүйтэй.
Та бүхэндээ дэлхийн томоохон их сургуулиудын талаар сонирхолтой баримтуудыг хүргэж байна.
1.Дэлхийн хамгийн эртний их сургууль: Болоньягийн Их Сургууль
Италийн Болонья хотод 1088 онд байгуулагдсан Болоньягийн Их Сургууль дэлхийн хамгийн эртний их сургууль юм. Энэхүү алдарт сургууль бараг мянган жилийн турш олон үеийн эрдэмтэд, сэхээтнүүдийг төрүүлж, шинэ гайхалтай нээлтүүдийг хийгээд байгаа юм.
Түүхэн дэх анхны их сургуулиудын нэг болох Болонья нь хууль, анагаах ухаан, философи зэрэг чиглэлээр дэлхийд авьяаслаг мэдлэгтэнгүүдийг бэлтгэсэн. Тэдний дунд Коперник, Данте Алигьери зэрэг алдартнууд багтдаг.
2.Дэлхийн хамгийн олон оюутантай их сургууль: Индира Гандийн Үндэсний Нээлттэй Их Сургууль
Энэхүү их сургууль дэлхийн хамгийн олон оюутантай Энэтхэгийн их сургууль бөгөөд 4 сая гаруй хүн суралцдаг. Зайны сургалтаар боловсрол олгохдоо дэвшилтэт аргуудыг ашигладаг. Хүмүүст хямд зардалтай, уян хатан сургалтын боломжийг санал болгож, ялангуяа хөдөлмөр эрхэлж буй иргэд, эмэгтэйчүүд, хөдөө орон нутагт амьдардаг хүмүүст боловсрол олгоход чухал үүрэг гүйцэтгэдэг.
3.Америк тив дэх анхны их сургууль: Сан Маркосын Үндэсний Их Сургууль
Перу улсын Лима хотод 1551 онд байгуулагдсан Сан Маркосын Үндэсний Их сургууль (Universidad Nacional Mayor de San Marcos) нь Америк тив дэх хамгийн эртний бөгөөд нэр хүндтэй их сургуулиудын нэг юм. Испани колоничлолын үед үүсгэн байгуулагдсан энэхүү сургууль 4 зууны турш Америк тивд боловсрол, шинжлэх ухааны хөгжилд гол үүрэг гүйцэтгэсэн.
Сан Маркос нь анхны хичээлээ теологи, хууль, анагаах ухаанаар эхлүүлсэн ч, өнөөдөр шинжлэх ухаан, уран зохиол, инженерчлэл зэрэг 50 гаруй салбарт дээд боловсролын хөтөлбөрийг санал болгодог. Тус сургуулийн төв номын сан нь 400,000 гаруй ном бүхий тивдээ хамгийн баян номын сангуудын нэг юм.
4.Нобелийн шагналтан бэлтгэгч: Кембрижийн Их Сургууль
Английн хатан хааны ордны нутаг дэвсгэрт байрлах Кембрижийн Их Сургууль дэлхийд Нобелийн шагналтанг хамгийн олон бэлтгэсэн сургууль билээ. Энэхүү сургуулийн харьяанд 100 гаруй Нобелийн шагналтан багтдаг нь дэлхийд рекордыг эвдээд байгаа юм.
5.Дэлхийн хамгийн том кампус сургууль: Берри Коллеж
Америкийн Нэгдсэн Улсын Жоржиа муж дахь Берри Коллеж дэлхийд хамгийн том сургуулийн кампустай гайхамшигт их сургууль юм. 27,000 акр (ойролцоогоор 110 км²) талбайг эзэлсэн энэхүү кампус нь цэцэрлэгт хүрээлэн, ой мод, тал хээр, зэрлэг амьтдыг хамгаалах бүс зэргээс бүрддэг бөгөөд жижиг хоттой хэмжээгээрээ дүйцдэг. 1910 онд Марта Берри байгуулсан энэхүү коллеж анх хөдөөгийн ядуу оюутнуудад боловсрол олгох зорилготой байсан.
6.Шалгалтын өмнөх стрессийг тайлдаг сургууль: Харвардын Их Сургууль
Харвардын Их Сургуулийн оюутнууд жил бүр шалгалтын өмнөх шөнө "Primal Scream" (Анхдагч Хашгирал) гэх сонирхолтой заншилд оролцдог. Энэ нь шалгалтын стрессийг тайлах замаар чанга дуугаар ярилцаж тоглох нь дээд доод курсийн хамтын ажиллагаанд ч сайнаар нөлөөлдөг.
7.Шинжлэх ухаан, технологийн аварга сургуулиуд: MIT vs Stanford
Дэлхийн технологийн хувьслыг удирдагч Массачусетсын Технологийн Хүрээлэн (MIT) болон Станфордын Их Сургууль нь жил бүр 500+ шинэ патент, 10+ дэлхийг өөрчлөх нээлт, 1 тэрбум ам.доллараас дээш судалгааны төсөв зэргийг бүтээн туурвидаг.
8.Соёл урлагийн төв сургуулиуд
Дэлхийн тэргүүлэх их, дээд сургуулиуд зөвхөн сургалт, судалгаагаар биш, харин соёл, урлагийн салбарт идэвхтэй оролцдог онцлогтой. Эдгээр сургуулиуд олон улсын урлаг сонирхогчдыг нэгтгэдэг, шинэлэг уран бүтээлчдийг дэмждэг, орчин үеийн болон уламжлалт урсгалыг нийлүүлдэг. Жишээ дурдвал Нью-Йоркийн Их Сургуулийн "LaGuardia Drama Festival" нь жил бүр 1000+ жүжигчний оролцоотой дэлхийн хамгийн том оюутны театр наадамтай бол Оксфордын "Ashmolean Museum” дэлхийн хамгийн эртний их сургуулийн музей (1683 онд үүсгэгдсэн) - Ван Гог, Пикассогийн үнэт бүтээлүүдээр алдартай.
9. Оксфордын Хогвартс: Шидэт ертөнц
Английн Оксфордын Крайст Чёрч коллеж нь J.K. Роулингийн алдарт "Харри Поттер" киноны Хогвартсын шидэт сургуулийн суурь үлгэрийг гаргахад тусалсан. Коллежийн 16-р зууны том зоогийн заал нь Хогвартсын "Great Hall"-ын дизайны шууд загвар болон, 30 метр урт ширээ, сүүлчийн үеийн архиепископуудын хөрөг зураг, кинонд харагдах "шидэт тааз"-ыг CGI-ээр бүтээсэн ч, эх үүсвэр нь эндхийн готик хүрээлэн зэргээс санаануудыг авчээ.
10.Харвард: Америкийн ерөнхийлөгчдийг "бэлтгэдэг" их сургууль
Америкийн түүхэн дэх 8 ерөнхийлөгч Харвардын Их Сургуулийг төгссөн нь энэхүү Ivy League-г Америкийн улс төрийн "алтан нөөц" хэмээн нэрийдэх болжээ. Энд суралцсан алдарт улс төрчдөөс дурдвал Жон Ф. Кеннеди (1961-1963), Барак Обама (2009-2017), Франклин Д. Рузвельт (1933-1945), Теодор Рузвельт (1901-1909) нар юм.
Эх сурвалж: https://ohmyfacts.com/general/26-facts-about-universities/
