Яг одоо “YG Leaker” хэмээх нэртэй нэгэн discord хэрэглэгч цахим орчинд тренд болж, багагүй шуугиан тариад байна. Учир нь тэрээр к-поп тэр дундаа YG энтертайнментын уран бүтээлчдийн талаарх мэдээлэл болон өмнө нь олон нийтэд цацагдаж байгаагүй бичлэгүүдийг ар араас нь цацсаар байна.
Тэрээр өөрийгөө YG энтертайнментад ажилладаг байсан бөгөөд к-поп салбарын талаар асар их мэдээллийг мэддэг нэгэн хэмээн мэдэгджээ.
YG Leaker “Би ажлаасаа халагдсан учраас энэ бүгдийг хийж байна. Би энэ компанийг бүхэлд нь үзэн ядаж байна. Энд ажлын байрны дарамт, арьс өнгө болон хүйсээр ялгаварлан гадуурхах явдал маш их байдаг” гэсэн юм.
Одоогоор Jisoo, Jennie, Lisa, Rose нарын шалгаруулалтын бичлэг, тэдний хувийн инстаграм хаяг, Blackpink-ийн 7 болон 5 гишүүнтэй бэлтгэгдэж байсан бүжгийн бичлэг, Blackpink-ийн “Don’t Know What To Do” дууны клип, “Playing With Fire” дууны анхны хувилбар, хараахан цацагдаагүй шинэ дуу зэрэг хүмүүст хүрч байгаагүй бичлэгүүдийг ил болгосоор байна. Түүний цацсан бичлэгүүдээс болж Jisoo хангалттай сайн бүжиглэж, дуулж чадахгүй байна гэсэн үзэн ядалтад өртөөд байгаа юм. Мөн Blackpink бэлтгэгдэгч байх дууны бэлтгэлийн үеэрээ арьс өнгөөр доромжилсон утга бүхий үгтэй дуу дуулсан нь багагүй шүүмжлэлийг дагуулаад амжжээ.
Тэрээр дан ганц YG энтертайнментын уран бүтээлчид бус BTS, Enhypen, Twice, EXO, ITZY зэрэг бусад хамтлаг, компанийн талаарх нууц баримтуудыг дэлгэнэ гэдгээ мэдэгдсэн бөгөөд цаашид ч илүү олон мэдээлэл цацна гэсэн юм. Гэсэн хэдий ч түүний цацаж буй мэдээллүүдийн 80-90 хувь нь худал мэдээлэл байх боломжтой, тэр зүгээр л олны анхаарлын төвд орохыг хүсэж байна хэмээн к-попын фенүүд дүгнээд эхэлжээ.
Ингээд “YG Leaker”-ийн цацсан зарим мэдээллүүдээс хүргэе. Эдгээр нь баттай мэдээлэл биш бөгөөд зөвхөн түүний discord хаягтаа байршуулсан мэдээллүүд гэдгийг анхаараарай.
Түүний цацсан батлагдаагүй мэдээллүүдээс:
- BTS-ийн Taehyung, Blackpink Jisoo хоёр сайн найзууд.
- Jennie, V хоёр 2023 оны сүүлээр салсан. Гэсэн ч хоёр сарын дараа дахин нийлсэн. V энэ харилцааг цааш нь үргэлжлүүлмээр байгаагаа хэлсэн.
- Rose-ийн “Toxic till the end” дууны эзэн бол NCT хамтлагийн Jaehyun.
- ITZY-ийн Yuna 3-р үеийн айдолтой үерхэж байгаа.
- BTS долоогоос наймдугаар сард эргэн ирэхээр төлөвлөж байна.
- К-попын ихэнх scandal-ийн ард HYBE байдаг.
- Би маш их мэдээлэл цуглуулж чадсан, шүтээнээ ч мөн чадна. Би Lisa-ийн амьдралыг дуусгахаар шийдсэн. Би түүний араас байнга сэсан фен илгээсэн, тэр уурласан. Одоо харин түүний амьдрал дуусна.
- Babymonster-ийн “Sheesh” анхандаа Blackpink-ийнх байсан.
Дээр дурдсанчлан маш олон баттай бус мэдээллүүдийг цацсаар байгаа юм. Үүнийг харсан нетизенчүүд YG үүнийг хурдан шийдэж, нэг тийш нь болгоосой хэмээн хүсэж байгаа аж.
Blackpink-ийн гишүүдийн хувийн инста хаяг:
Эх сурвалж: Koreaboo, The Economic Times
