Болзоонд тохиолддог нийтлэг бэрхшээлүүд, тэдгээрийг хэрхэн тойрон гарах талаарх зарим зөвлөмжийг энд оруулав.
"Төгс тохирох"-д хэт их анхаарал хандуулах
Олон хүмүүс тохиромжтой хамтрагчийн уртаас урт шалгууртай байдаг. Хэдийгээр хайж буй зүйлээ мэдэх нь сайн хэрэг боловч хэт тодорхой байх нь таныг ирээдүйтэй харилцаанаас хааж болно.
Өндөр, орлого, тодорхой хобби гэх мэт өнгөц чанарт хэт их анхаарал хандуулах нь тухайн хүний жинхэнэ зан чанарыг олж харахгүй өнгөрөөж магадгүй. Үүний оронд сэтгэлээ нээлттэй байлгаж тэр хүн танд ямар мэдрэмж төрүүлж байгаад анхаарлаа хандуулаарай.
Улаан тугуудыг эрт хайхрахгүй байх
Хүндэтгэлгүй байдал, хардалт, тохиромжгүй харилцаа гэх мэт эдгээр "улаан туг" -ыг ихэвчлэн өөрчлөгдөнө гэж найддаг. Хил хязгаараа тодорхой зааж, өөрт тохирохгүй харилцаанд цаг зав гаргахгүй байгаарай. Хэрэв та улаан тугийг анзаарсан бол энэ нь хамтдаа даван туулж чадах зүйл үү эсвэл цааш явах тэмдэг үү гэдгийг сайн бодож тунгаагаарай. Хосын харилцааны улаан тугийн тухай ЭНД дарж уншаарай.
Харилцаагаа тодорхойлоход яарах
Харилцааны эхэнд хэт их дарамт үзүүлж, тодорхойлолт шаардах нь таагүй мэдрэмж төрүүлж, илүү их стресст хүргэж болзошгүй.Үүний оронд, харилцааг байгалийн жамаар нь өрнүүлэхийг хичээгээрэй. Бие биетэйгээ танилцаж, уулзах явцад харилцаагаа тодорхойлох асуудал нь дарамтгүйгээр, хоёр талын харилцан шийдвэр болох магадлалтай.
Нүүр тулсан харилцаа холбоонд ач холбогдол өгөхгүй байх
Мессеж, DM, олон нийтийн мэдээллийн хэрэгсэл нь харилцаанд асар их үүрэг гүйцэтгэдэг эрин үед зөвхөн дижитал харилцаанд найдах нь их. Эдгээр харилцаа холбоо нь заримдаа үл ойлголцолд хүргэж, эсвэл хүмүүсийг салгахад хүргэдэг. Боломжтой бол биечлэн эсвэл видео дуудлагаар хамтдаа цагийг өнгөрөөхийг урьтал болго. Эдгээр нүүр тулсан мөчүүд нь бие биеэ илүү сайн ойлгоход тусалж, жинхэнэ харилцаа холбоог бий болгодог.
Эх сурвалж: Awareness act
