Симпсон нь телевизийн салбарт хамгийн удаан үргэлжилсэн хүүхэлдэйн киноны нэг. Гуч гаруй жилийн турш үзэгчдийн хүртээл болсон уг хүүхэлдэйн кино ирээдүйг зөгнөcөн үйл явдлаар дүүрэн гэдгээрээ илүү алдартай байдаг.
Хүмүүсийн сонирхлыг татсан энэхүү хүүхэлдэйн кино “Өнгөрсөнд хийгдсэн байтал ирээдүйн бодит амьдрал дээр үйл явдлууд нь хэрхэн биелэж чаддаг байна?” гэх асуултын дунд олон жилийг өнгөрөөсөн. Үүнтэй холбоотойгоор тус хүүхэлдэйн киноны найруулагчдын нэг Selman ийнхүү хэлжээ:
“Миний үргэлж хэлдэг хариулт хэнд ч таалагддаггүй. Гэхдээ дахиад хэлэхэд аливаа зүйлийг урьдчилан таамаглах боломж их бий. Энэ нь цэвэр математикийн ухагдахуунтай холбоотой. Математикийг судлах юм бол үйл явдлуудыг урьдчилан таамаглах бүрэн боломжтой байдаг.”
“Дараачаар нь хэлэхэд хүн төрөлхтний өнгөрсөн үеийн түүх гэдэг ирээдүйг таамаглах олон онолыг суурийг тавьж өгдөг. Гэсэн хэдий ч энэ талаар логиктой бодох хүн ховор байдаг. Энэ нь зүгээр л нэг суугаад ирээдүйг зөгнөн хийсэн ажил биш.”
Мөн Selmon интернет дээр явдаг олон зургууд эвлүүлэгтэй байдагт шүүлтүүртэй хандаж байхыг сануулсан юм. Бидний хийгээгүй ангийг илт хуурамчаар эдит хийн байрлуулах нь түгээмэл байдаг. Энэ тал дээр зохиогчид бид үнэхээр үзэн яддаг талаараа онцлон хэлжээ.
Тэгвэл энэ бүх Симпсоны биелэлээ олсон гэх үйл явдлууд бүрэн судалгаатай, математик логик дээр тулгуурлан гарсан байх нь. Нөгөө талаараа интернетээр явдаг зарим зураг, бичлэгүүд хэн нэгнээр эвлүүлэгдэн хуурамчаар тавигдах явдал түгээмэл байдаг байна.
Сонирхолтой үүднээс бүрэн эх сурвалжтайгаар хүүхэлдэйн кинон дээр гарч байсан ямар үйл явдлууд биелэсэн тухай дурдъя. 2011 онд номын санд роботууд ном авчирч буй хэсэг гарч байсан.
- АНУ-ын ерөнхийлөгч Donald Trump хэмээн дурдаж байсан.
- Disney нь 21st Century Fox-ийг эзэмшиж буй тухай.
- Гурван нүдтэй загас гарч байсан нь амьтад мутацид орж байсныг илтгэж байсан.
- Европ Грекийг eBay-д оруулсан тухай.
- Электрон цагаар хүмүүс хоорондоо ярьж байгаа тухай.
Хамгийн сүүлд сонирхуулахад Симпсоны 36-р улирлын нээлт 9-р сарын 29-ны өдөр гарсан байна. Энэ анги нь зохиолч O’Brien найруулсан бөгөөд “Series final” нэртэйгээр цацагджээ.
