Конрад-Аденауэр-Сан (КАС), Монгол Улсын Их Сургуулийн УТСОУХНУС-ийн Улс төр судлалын тэнхим хамтран “Улс төрийн мэдээлэл харилцаа”-ны магистрын тэтгэлэгт хөтөлбөрийг зарлалаа.
Зорилго:
Олон улсын улс төрийн сэтгүүл зүйн чиг хандлага, стандартыг баримтлан ажиллах, мэргэжлийн ёс зүйг төлөвшүүлсэн сэтгүүлчдийг магистрын түвшинд бэлтгэх
Хөтөлбөрийн үргэлжлэх хугацаа:
2024 - 2025 оны IV улирал
Хөтөлбөрийн агуулга:
Судалгааны магистрын хөтөлбөр нь нийт 32 кредит. Үүнд, 19 кредитийн танхимын хичээл /Судалгааны арга зүйн хичээл, улс төр судлалын мэргэжлийн заавал судлах ба мэргэшүүлэн сонгох хичээл болон олон улсын сэтгүүл зүйн хичээл/, 4 кредитийн эрдэм шинжилгээний ажил, 9 кредитийн магистрын судалгааны ажил байна.
Хөтөлбөрт элссэнээр:
- Англи хэлээр улс төрийн мэдээ, нийтлэл КАС-ийн вэб хуудсанд нийтлэх боломжтой;
- Конрад-Аденауэр-Сангийн дэргэдэх Төрийн байгуулалтын Экспертийн Зөвлөлөөс эрхлэн гаргадаг “Төрийн байгуулал судлал” эрдэм шинжилгээний сэтгүүлд өгүүлэл хэвлүүлэх;
- МУИС-ийн УТСОУХНУС-ийн Улс төр судлалын тэнхимийн багш, судлаачдын судалгааны төсөл хөтөлбөрт хамрагдах боломжтой.
Сонгон шалгаруулалтанд тавигдах шалгуур үзүүлэлтүүд:
- Сэтгүүл зүйн бакалавр (Голч дүн 3.0 ба түүнээс дээш);
- Монгол хэлний ярианы ур чадвар, найруулга зүй, хэл зүй, зөв бичих дүрмийн өндөр мэдлэгтэй;
- Нийгмийн идэвхтэй (улс төр, нийгэм, хүмүүнлэг сайн дурын ажил болон бусад салбарт);
- Ёс зүйн хэм хэмжээг өөртөө төлөвшүүлсэн;
- Сэтгүүл зүйн салбарт мэргэжлийн түвшинд ажиллаж, ардчилсан хөгжил, шударга ёс, нийгмийн сайн сайхны төлөө бодитой хувь нэмэр оруулах хүсэлтэй;
- Англи хэлний ахисан түвшний мэдлэгтэй бол давуу тал болно;
- КАС, МУИС-ийн УТСОУХНУС-ийн Улс төр судлалын тэнхимээс зохион байгуулах аливаа сургалт, хурал, үйл ажиллагааг дэмжин ажиллах, оролцох боломжтой байх;
- Тэтгэлэг горилогч нь МУИС-ийн "Улс төрийн мэдээлэл харилцаа - Судалгааны магистр"-ын (E 038802) хөтөлбөрт (burtgel.num.edu.mn) 2024 оны 01 дүгээр сарын 10-ны 17:30 цагаас өмнө онлайнаар бүртгүүлж, бүртгэлийн хуудсыг материалд хавсаргахыг анхаарна уу.
Жич: Сэтгүүл зүйгээс өөр мэргэжлийн бакалавртай боловч мэргэжлийн сэтгүүлчээр ажилладаг бол сонгон шалгаруулалтад оролцох боломжтой.
Лавлах утас: 8096 6226
