Өнгөрсөн онд кдрам ертөнцөд олон бүтээл нээлтээ хийн үзэгчдийн хувьд үзүүштэй жил байлаа. Тэгвэл энэ онд олон төрөл жанрын цуврал үзэгчдэл хүрэх аж. Ингээд нэгдүгээр сард цацагдах бүх кдрамуудыг багцлан хүргэе
“Marry Me Husband”
Нээлтийн тов: Нэгдүгээр сарын 1
Үйл явдал: Ижил нэрт вебтүүнээс сэдэвлэсэн эл цуврал нь эдгэшгүй өвчтэй Кан Жи Вон (Пак Мин Ян) нөхөр, хамгийн сайн найзынхаа талаарх худал хуурмаг бүхнийг мэднэ. Тэрээр нөхрийнхөө гарт эмгэнэлтэйгээр амиа алдсаныхаа дараа 10 жилийн өмнөх амьдралдаа санаандгүйгээр эргэн ирснээр өшөөгөө авч буй тухай өгүүлнэ.
“Love Song For illusion”
Нээлтийн тов: Нэгдүгээр сарын 2
Үйл явдал: Энэ цуврал нь хааны удам, угсаа залгамжлах хунтайж Сажо Хён болон татвар эм Ён Вол нарын зүрх шимшрүүлсэн хайрын түүхийг өгүүлэх түүхэн уран зөгнөлт романс төрлийн бүтээл.
“Knight Flower”
Нээлтийн тов: Нэгдүгээр сарын 12
Үйл явдал: Тус цуврал нь өдөр нь даруухан, чимээгүй, энгийн нэгэн эмэгтэй байх ч шөнө нь тэс өөр хүн болж хувирч буй Жо Ео Хва гэх эмэгтэйн талаар өгүүлнэ. Шөнийн цагаар хар багаар өөрийгөө далдлан, тусламж хэрэгтэй хүмүүсийг авардаг баатарлаг эмэгтэйн дүрд хувирдаг. Тэрээр цэргийн офицер Пак Сү Хо-той уулзан эвсэл байгуулснаар үйл явдал өрнөнө.
“A Shop for Killers”
Нээлтийн тов: Нэгдүгээр сарын 17
Үйл явдал: Жун Жи Ан гэх охин худалдааны төв ажиллуулдаг авга ах Жин Ман (Ли Дун Вүк)-ийн хамт амьдарна. Гэтэл авга ах нь гэнэт нас барж, түүнд аюултай зүйл өвлөгдөн ирснээр тэрээр сэжигтэй алуурчдын бай болно.
“LTNS”
Нээлтийн тов: Нэгдүгээр сарын 19
Үйл явдал: Ядарч туйлдсан амьдралдаа дарагдаж нэгнийгээ анзаарахаа больсон хосын тухай өгүүлнэ. Мөнгө олохын тулд гэр бүлээс гадуурх харилцаатай хосуудыг тагнаж, сүрдүүлж байхдаа тэднээс өөрсдийгөө харах болно.
“The Bequeathed”
Нээлтийн тов: Нэгдүгээр сарын 19
Үйл явдал: Нагац ахыгаа нас барсны дараа гэр бүлийнхээ ажиллуулж байсан оршуулгын газрыг өв залгамжлан үлдэх Юн Со Ха-гийн тухай энэ цувралд өгүүлнэ. Тэрээр оршуулгын газрыг өвлөн авсныхаа дараа олон аймшигт аллага, харанхуй нууцуудыг олж мэднэ.
“Captivating the King”
Нээлтийн тов: Нэгдүгээр сарын 21
Үйл явдал: Өндөр албан тушаалтай хэдий ч дотроо хоосон ганцаардмал хаан И Ин болон өшөө авах хүсэлтэй Кан Хи Сү хоёрын харгис хайрын түүхийг өгүүлдэг.
“Without Blood or Tears”
Нээлтийн тов: Нэгдүгээр сарын 22
Үйл явдал: Эцэг эхийнхээ салалтаас болж багадаа салсан эгч дүүс Ли Хэ Вон болон Бэ Ду Юн нарын эмгэнэлт түүх энэ цувралд гарна. Тэд тэс өөр амьдралаар амьдарч 20 жилийн дараа уулзсан ч Бэ Ду Юн-д сайхан байсангүй.
“Flex x Cop”
Нээлтийн тов: Нэгдүгээр сарын 26
Үйл явдал: Хэтэрхий биеэ тоосон, төлөвшөөгүй мөрдөгч Жин И Су (Ахн Бо Хён) болон ахмад мөрдөгч Ли Кан Хён (Парк Жи Хён) нарын тухай өгүүлэх адал явдалт цуврал юм.
“Doctor Slump”
Нээлтийн тов: Нэгдүгээр сарын 27
Үйл явдал: Гялалзсан карьертай од, гоо сайхны мэс засалч Ё Жун Ву (Парк Хён Сик) болон , ядрах синдромтой, мэдээ алдуулалтын эмч Нам Ха Неул (Парк Шин Хэ) нарын тухай өгүүлэх романс төрлийн цуврал юм. Тэд амьдралынхаа хамгийн хэцүү үед нэгдэж, санаанд оромгүй байдлаар бие биенийхээ гэрэл гэгээ болж хувирдаг.
“Queen of Divorce”
Нээлтийн тов: Нэгдүгээр сарын 31
Үйл явдал: Солонгосын хамгийн том гэр бүл салалтын асуудлыг шийддэг Сара Ким (Ли Жи Ах) болон түүний бизнесийн хамтрагч Донг Ки Жун (Кан Ки Янг) нарын тухай өгүүлнэ.
Шинэхэн кдрамуудаа тухлан сууж үзээрэй
