Арванхоёрдугаар сарын 21-нд Жан На Ра "2024 SBS Drama Awards" ёслолын үеэр жүжигчин төрөлд Даэсан шагнал хүртсэн юм. Тэрээр "Good Partner" хэмээх драмад үзүүлсэн гайхалтай жүжиглэлтээрээ энэхүү нэр хүндтэй шагналыг хүртсэн бөгөөд жүжигчний хувьд анх удаа Даэсан шагнал авч байна.
Daesang (대상) нь Солонгосын урлаг, соёлын салбарын хамгийн нэр хүндтэй шагналын нэг юм. Солонгос хэлээр "Daesang" гэдэг нь "Том шагнал" эсвэл "Гол шагнал" гэсэн утгатай. Энэ нь олон төрлийн урлаг, соёлын наадам, шагнал гардуулах ёслол дээр дээд ангилалд багтсан уран бүтээлчдэд олгодог нэр хүндтэй шагнал юм.
Гэхдээ энэ нь Жан На Ра-гийн анхны Даэсан шагнал биш юм. 2002 онд тэрээр KBS болон MBC сувгуудаас зохион байгуулсан жилийн эцсийн хөгжмийн шагнал гардуулах ёслолоос "Sweet Dreams" дуугаараа томоохон шагналуудыг хүртсэн билээ. Энэхүү дуу тухайн үед хөгжмийн жагсаалтуудыг тэргүүлж, хөгжмийн шоунуудын шагналуудыг хүртэж байсан юм. 2002 он Жан На Ра-гийн хувьд онцгой жил байсан юм. Хөгжмийн салбарт амжилт гаргахаас гадна тэрээр 'New Nonstop' болон 'Cheerful Girl' драмад тоглож, жүжигчний хувьд ч олны анхаарлыг татсан.
Дуучин, жүжигчин хоёр салбарт амжилттай ажиллаж ирсэн түүний хувьд, энэ хоёр салбараас Даэсан шагнал хүртсэн анхны алдартан болж түүхэнд нэрээ мөнхөллөө.
Гэхдээ хоёр төрлийн Даэсан шагнал хүртэж байсан алдартнууд бий. Жишээлбэл, И Хё Ри дуучин, энтертайнер гэдгээрээ, харин И Сын Ги жүжигчин болон энтертайнер гэдгээрээ шагнал хүртэж байжээ.
