YOLO.mn сайтын хамт олны зүгээс кпоп сонсох дуртай уншигчдадаа зориулан өнгөрсөн долоо хоногт кпопын эргэн тойронд болсон онцлох үйл явдлуудыг тоймлон хүргэж байна.
ХАМГИЙН АЛДАРТАЙ 50 ЭРЭГТЭЙ ДУУЧИН
Өмнөд Солонгосын Бизнесийн Судалгааны Хүрээлэнгээс сар бүр тухайн сардаа брэнд болж, олон нийтийн дунд алдартай байгаа хамтлаг, дуучин, жүжигчин, хөтлөгч зэрэг энтертайнмент салбарын шилдгүүдийг нэрлэдэг уламжлалтай.
Ийнхүү тус байгууллагаас эрэгтэй хамтлагийн гишүүдийн гуравдугаар сарын нэр хүндийн жагсаалтыг танилцуулсан байна. Ингэхдээ хэвлэл мэдээллийн хэрэгсэл болоод олон нийтийн дундах нэр хүнд, идэвхтэй байдал зэрэг олон шалгуур дээр үндэслэн тодорхойлсон аж. Мөн уг жагсаалтаас эрэгтэй алдартнууд брэндэд эерэг эсвэл сөргөөр нөлөөлөх эсэхийг тодорхойлдог аж.
Хоёрдугаар сарын 20-ноос гуравдугаар сарын 20 хүртэл явуулсан судалгааны үр дүнд 653 дуучны 11,032,619 мэдээлэлд дүн шинжилгээ хийж дараах 50 дуучныг энэ сарын хамгийн алдартай эрэгтэй хамтлагийн гишүүд гэжээ. Үүнд:
50. Shinhwa - Junjin
49. THE BOYZ - Sunwoo
48. TREASURE - Jihoon
47. ONF - U
46. Ciipher - Tag
45. ONF - Wyatt
44. TXT - Beomgyu
43. Shinhwa - Eric
42. TXT - Soobin
41. AB6IX - Kim Donghyun
40. ONF - J-Us
39. AB6IX - Lee Daehwi
38. ONF - E-Tion
37. ONF - MK
36. MONSTA X - I.M
35. Ciipher - Keita
34. NCT - Haechan
33. AB6IX - Park Woojin
32. THE BOYZ - Juyeon
31. THE BOYZ - Hyunjae
30. Ciipher - Tan
29. Super Junior - Leeteuk
28. ONF - Hyojin
27. NCT - Jungwoo
26. MONSTA X - Kihyun
25. DRIPPIN - Joo Changuk
24. Ciipher - Hyunbin
23. Super Junior - Eunhyuk
22. NCT - Doyoung
21. DRIPPIN - Hwang Yunseong
20. NCT - Jaehyun
19. DRIPPIN - Cha Junho
18. Super Junior - Kyuhyun
17. EXO - Baekhyun
16. EXO - Kai
15. Super Junior - Heechul
14. SHINee - Onew
13. SEVENTEEN - Mingyu
12. SHINee - Taemin
11. BTS - J-Hope
10. BTS - RM
9. BTS - Jin
8. EXO - Chanyeol
7. BIGBANG - G-Dragon
6. BTS - Suga
5. BTS - V
4. BTS - Jungkook
3. SHINee - Minho
2. ASTRO - Cha Eunwoo
1. BTS - Jimin
BRAVE GIRLS ХАМТЛАГ “RUNNING MAN” НЭВТРҮҮЛЭГТ ОРОЛЦОНО
Өмнөд Солонгосын төдийгүй Азийн үзэгчдийн дуртай “Running Man” нэвтрүүлэгт Brave Girls хамтлаг оролцохоор болсон байна. Тус нэвтрүүлгийн зүгээс:
- “Brave Girls хамтлаг тийм ч олон нэвтрүүлэгт оролцож байгаагүй. Бид энэ удаагийн дугаараар тус хамтлагийг өөр өнцгөөс харуулах болно” гэжээ.
Brave Girls хамтлагийн дөрвөн жилийн өмнө гаргасан “Rollin” дуу нь энэ онд хит болоод байгаа юм. Хэдийгээр Brave Girls хамтлаг арван жилийн өмнө байгуулагдсан боловч өнгөрсөн хугацаанд төдийлөн амжилт олоогүй тул тарахаар шийдэж байсан аж. Гэсэн хэдий ч санаанд оромгүй байдлаар олонд танигдаж эхэлсэн тул уран бүтээлээ үргэлжлүүлэн хийхээр болсон билээ.
MARK ВЕБСАЙТТАЙ БОЛЛОО
Энэ оны эхээр GOT7 хамтлагийн гишүүд JYP энтертайнменттай хийсэн гэрээгээ дуусгавар болгож, өөр өөрсдийн карьерыг хөөсөн юм. Хэдийгээр тус хамтлагийн гишүүд өөр өөр энтертайнмент компаниудтай гэрээ хийсэн боловч GOT7 хамтлагийг хэзээ нэгэн өдөр уран бүтээл хамтдаа хийнэ гэдэгт итгэж буйгаа илэрхийлсэн билээ.
Хамтлагийн гишүүн Mark АНУ-руу нүүж гэр бүлтэйгээ амьдрахаар шийдсэн бөгөөд цахим хаягаараа дамжуулан шүтэн бишрэгчидтэйгээ холбоо тогтоож байсан юм. Харин цаашдын үйл ажиллагаагаа сурталчлах, шүтэн бишрэгчдэдээ мэдээ мэдээллээ цаг алдалгүй хуваалцах зорилгоор www.marktuan.com хэмээх вебсайттай болжээ.
BTS ХАМТЛАГ ГИННЕСИЙН ДЭЭД АМЖИЛТ ТОГТООЛОО
Гуравдугаар сарын 18-ны өдөр “Nickelodeon Kids' Choice Awards” болж өнгөрсөн бөгөөд үүнээс BTS хамтлаг гурван шагнал хүртсэн юм. Ийнхүү тус наадмаас нийт 5 цом хүртэж чадсан тул “Хамгийн олон цом хүртсэн хамтлаг” болж Гиннесийн дээд амжилт тогтоожээ.
BTS хамтлагийн хувьд 2018 онд уг шагнал гардуулах ёслолоос анхны цомоо авч, 2020 онд “Favorite Music Group 2020” шагналыг хүртжээ.
Ташрамд дурдахад энэ нь BTS хамтлагийн Гиннесийн дээд амжилт тогтоож буй анхны тохиолдол биш бөгөөд тэд бүр Гиннесийн 16 дээд амжилтыг эзэмшдэг аж.
KANG SEUNG YOON ЦОМОГ ГАРГАНА
WINNER хамтлагийн ахлагч Kang Seung Yoon “PAGE” хэмээх анхны бүрэн хэмжээний цомгоо гаргахаар болжээ. YG энтертайнментаас түүний цомгийн тизер зургуудыг цацсан бөгөөд цомог нь гуравдугаар сарын 29-ний өдөр олны хүртээл болох юм байна.
Kang Seung Yoon нь 2010 оны “Superstar K2” нэвтрүүлэгт оролцож олны танил болсон бөгөөд 2011 онд YG энтертайнменттай гэрээ байгуулжээ. Түүнчлэн, 2013 онд It Rains" нэртэй анхны дижитал дуугаа гаргаж, 2014 онд WINNER хамтлагийн ахлагч болсон байна.
Эх сурвалж: Allkpop, Koreaboo
