"Миний хөрш Тоторо", "Кикигийн хүргэлтийн үйлчилгээ", "Сүнсэнд туугдагсад" зэрэг олон алдартай бүтээлүүдээрээ залуучууд бидний сэтгэлд хоногшсон "Ghibli" студийн хамт олон өөрсдийн анхны 3D анимэйшнээ хийнэ гэдгээ мэдэгдсэнээс хойш багагүй хугацаа өнгөрсөн билээ. Тэгвэл тус студиэс "Aya and the Witch" нэртэй 3D бүтээлийнхээ дүрийн танилцуулга бүхий зургуудыг олон нийтэд танилцууллаа.
2020 оны өвөл NHK сувгаар цацагдахаар төлөвлөгдөөд буй энэхүү уран бүтээлийн зохиолыг "Хаулын явдаг цайз" анимэйшний зохиолч Diana Jones-ийн "Earwig and the Witch" хэмээх зохиолоос сэдэвлэн бүтээж байгаа аж. Харин найруулагчаар нь "Ghibli" студийн хамтран үүсгэн байгуулагч Hayao Miyazaki-гийн хүү Goro Miyazaki ажиллах юм.
Эх сурвалж: Hype Beast
