Энэ жил iPhone, iPad, Mac, Android болон бусад төхөөрөмж дээр шинэ эможи сонголтууд нэмэгдэхээр болжээ.
Таны сонголтод нийт 117 ширхэг эможи албан ёсоор нэмэгдэх бөгөөд зарим нь цоо шинэ загвартай бол үлдсэн хэсэг нь өмнө нь байсан эможинуудад нас хүйс, арьс өнгөний сонголт нэмсэн байна. Улмаар дэлхийн өнцөг булан бүрд амьдран сууж буй нас хүйс, арьс өнгө, шашин шүтлэгээрээ онцлог бүхий л хүмүүс эможиг хэрэглэхэд ойр болж байгаа аж.
Дараах эможи нэмэгдэнэ. Үүнд:
- Нүүрний хувирал болон дохио зангаа төрөлд /Арьс өнгөний сонголттой болсон/: Нулимстай инээмсэглэл, дүрээ хувиргасан залуу, хавчсан хуруу /Бидний сайн мэдэхээр "өлөн"/, тэврэлдэж буй хүмүүс, нинжа, хослолтой хүн, хүүхдээ угжиж буй хүн, сантагийн малгай өмссөн хүн, зүрх, уушги;
- Амьтан болон байгаль төрөлд: Савтай цэцэг, хар муур, минж, цагаан баавгай, сарлаг, арслан заан, дронт шувуу, өд, далайн хав, цох, жоом, ялаа, өт, чулуу, мод;
- Хоол болон уух зүйл төрөлд: Нэрс, чидун, чинжүү, талх, тамали, фондю, bubble tea, цайны гүц;
- Аялал болон байршил төрөлд: Овоохой, ачааны машин, дугуйт тэшүүр;
- Эд хэрэгсэл төрөлд: Илбийн дохиур, пинята, матрёшка, зүү, зангилаа, салаатай углааш, цэргийн дуулга, баян хуур хөгжим, бөмбөр, зоос, бумеран, хөрөө, отвёрка, дэгээ, шат, толь, цонх, 00 бөглөө гаргагч, хулганы хавх, хувин, шүдний сойз, зурагт хуудас, булшны чулуу;
- Далбаа болон тэмдэг төрөлд: Цахилгаан шат, трансжендер туг болон тэмдэг.
Мөн өнгөрсөн оны арванхоёрдугаар сард "Mandalorian" цувралын олны хайрыг хамгийн их татсан дүр болох "Baby Yoda"-гийн эможиг гаргах саналыг 75'800 гаруй хүмүүс дэмжиж гарын үсэг зурсан ч уг эможи шинээр нэмэгдэх эможи жагсаалтад багтаагүй байна.
Эх сурвалж: Complex
