Ухаалаг гар утас өдөр тутмын хэрэглээ болсон өнөө үед хэрэглэгчид энгийн бөгөөд хөгжилтэй тоглоом л тоглохыг хүсэх болсон. Сүүлийн 10 жилд ухаалаг утасны зөвхөн 10 тоглоом л гэхэд нийтдээ 7 тэрбум гаруй удаа татагдсан /download/ байдаг. Тэгвэл эдгээр нь ямар ямар тоглоом байсан бол?
Тоглоомын зорилго, шагнал зэрэг нь тодорхой, ойлгоход амар тоглоомууд хамгийн эрэлттэй байдаг. Мөн энэхүү жагсаалтын 10 тоглоомын 3 нь уралдаант тоглоом байгаагаас харахад энэ төрлийн тоглоом бусад төрлийн тоглоомуудаас илүү эрэлттэй байна.
10. "8 BALL POOL"
Гарсан огноо: 2010 он
Үнэлгээ /App Store/: 4.7/5
Нийт татагдсан тоо: 600 сая гаруй
9. "FRUIT NINJA"
Гарсан огноо: 2010 он
Үнэлгээ /App Store/: 4/5
Нийт татагдсан тоо: 600 сая гаруй
Анх iPhone 3 дээр "Fruit Ninja" тоглож байсан үеэ мартдаггүй юм. 
8. "MINION RUSH"
Гарсан огноо: 2013 он
Үнэлгээ /App Store/: 4.5/5
Нийт татагдсан тоо: 600 сая гаруй
Бидний хэлж заншсанаар "Сарыг хулгайлах төлөвлөгөө" буюу "Despicable Me" киноны баатруудын дүрээр тоглох боломжтой энэхүү тоглоом ч мөн 600 сая удаа татагдсан.
7. "HILL CLIMB RACING"
Гарсан огноо: 2012 он
Үнэлгээ /App Store/: 4.6/5
Нийт татагдсан тоо: 600 сая гаруй
6. "POU"
Гарсан огноо: 2012 он
Үнэлгээ /App Store/: 4.3/5
Нийт татагдсан тоо: 600 сая гаруй
Бидний багадаа тоглодог байсан Тамагочигийн орчин цагийн хувилбар л гэсэн үг. Виртуаль амьтнаа хооллож, халамжлах ёстой. Үгүй бол яадаг гэдгийг манайхан мэднэ дээ. 
5. "CLASH OF CLANS"
Гарсан огноо: 2012 он
Үнэлгээ /App Store/: 4.8/5
Нийт татагдсан тоо: 700 сая гаруй
Энэхүү тоглоомын зар сурталчилгааг та бичлэг үзэх, өөр тоглоом тоглож байхдаа бишгүй л харж байсан болов уу? Өөрийн цайзыг хамгаалж, бусад овгийнхон руу довтолдог энэхүү тоглоом нь 2012 оноос хойш App Store-н тоглоомын жагсаалтын дээгүүр байранд л ордог.
Сонирхуулж хэлэхэд энэхүү тоглоом нь ихэнх тоглоомын адилаар "freemium /free+premium/" буюу татаж аваад тоглоход үнэгүй хэдий ч цааш үргэлжлүүлэхэд ямар нэгэн худалдан авалт хийх шаардлага гардаг тоглоом юм. Хамгийн хачин нь энэхүү тоглоомоос нийтдээ 1 сая ам.долларын худалдан авалт хийсэн "чинээлэг" тоглогчид байдаг байна.
4. "MY TALKING TOM"
Гарсан огноо: 2013 он
Үнэлгээ /App Store/: 4.5/5
Нийт татагдсан тоо: 800 сая гаруй
2014 онд энэхүү тоглоомын тоглогчид Твиттерийн нийт хэрэглэгчдээс 50 саяаар илүү байсан гээд бод доо? Тэгээд ч зогсохгүй 2018 оны тавдугаар сараас долдугаар сарын хооронд тоглогчид нийт 3,42 тэрбум цагийг энэхүү тоглоомд зарцуулсан байсан.
3. "TEMPLE RUN - 2"
Гарсан огноо: 2013 он
Үнэлгээ /App Store/: 4.6/5
Нийт татагдсан тоо: 800 сая гаруй
2. "CANDY CRUSH SAGA"
Гарсан огноо: 2012 он
Үнэлгээ /App Store/: 4.7/5
Нийт татагдсан тоо: 1,2 тэрбум гаруй
Ойлгоход амар бөгөөд санамсаргүй байдлаар өгдөг бэлэг зэрэг нь "Candy Crush Saga" тоглоомыг нийт 1.2 тэрбум удаа татахад хүргэсэн байх.
1. "SUBWAY SURFERS"
Гарсан огноо: 2012 он
Үнэлгээ /App Store/: 4.6/5
Нийт татагдсан тоо: 1,5 тэрбум гаруй
"Subway Surfers" тоглоом маш эрэлттэй байсан тул уг тоглоомыг хөгжүүлэгч "SYBO Games" компани энэхүү тоглоомоос сэдэвлэсэн цуврал анимэйшн хүртэл гаргаж байсан байна.
Эх сурвалж: Business Insider
