Хөгжмийн ертөнцийн супер од дуучин Кэти Пэрри 1984 оны аравдугаар сарын 25-ны өдөр мэндэлсэн бөгөөд өдгөө 33 настай. Та бүхэн түүнийг "I Kissed a Girl," "Teenage Dream," "Firework," "Roar", "Chained to the Rhythm" зэрэг хит дуунуудаар нь сайн мэдэх байх.
Тэрээр багадаа сүмийн дуулаачдын дугуйлангийн найрал дууны ангид суралцдаг байжээ. Учир нь түүний аав ээж хоёулаа итгэгч бөгөөд сүмийн пасторууд юм. Тэд Пэрриг сүмийн дуу дуулахад нь дуртай байсан ба рок болон бусад алдартай хөгжмийн урсгалуудыг сонсохыг нь хориглож байжээ.
Хэдийгээр итгэгчдийн гэр бүлд мэндэлсэн ч тэрээр даруу дөлгөөн охин байгаагүй гэлтэй. Учир нь нэгэн ярилцлагынхаа үеэр өөрийгөө “Би заримдаа гудамжны залуусаас доор байдаг байлаа. Эрчүүдтэй зодолдож, тэднийг яахыг нь харах дуртай байсан” хэмээн дурсчээ.
Тэр нэг эгч, нэг эрэгтэй дүүтэй. Түүний гэр бүл тийм ч баян тансаг амьдралтай байгаагүй аж. Аав ээжийнх нь сүмд цуглардаг итгэгчдийг хоол ундтай байлгахын тулд тэдний гэр бүлийнхэн улсаас ядуу хүмүүст өгдөг тэтгэмж, хоол хүнсээр амьдарлаа залгуулдаг байсан үе ч бий гэнэ.
Тэрээр 13 насныхаа төрсөн өдрөөр анх гитартай болсноор дуу зохиож олны өмнө толилуулж эхэлжээ. Мөн энэ үедээ “Katy Hudson” нэртэй анхны цомгоо гаргаж байсан ба тус цомог нь Христийн шашны итгэл үнэмшлийг илэрхийлсэн рок урсгалын дуунуудаас бүтэж байжээ.
Харин албан ёсоор дуучны гараагаа эхлүүлснээс хойш гаргасан анхны цомог нь "One Of The Boys" юм.
Одоогийн байдлаар Америкийн хөгжмийн наадам буюу "American Music Award"-аас нийт таван удаа, "BRIT Award" буюу Британы хөгжмийн наадмаас нэг гэх мэт хөгжмийн ертөнцийн томоохон наадмуудаас одоогийн байдлаар тус тус 88 удаа шагнал хүртээд байгаа аж.
"I kissed a girl" нэртэй дуугаа өөрөө бичиж байсан ба энэ нь түүний анхны хит дуу болж урлагийн ертөнцийг эзэгнэх эхлэл нь болсон байна. Энэ цаг үед түүнийг Бритни Спирсийн халааг залгах Попын гүнж хэмээн хүмүүс тодорхойлох болсон.
Гэвч энэ дууны үгсийг итгэгч аав ээж нь сайнаар таашаагаагүй нь ойлгомжтой. Гэсэн ч энэ дуу түүний ирээдүйд од болон гялалзах эхлэлийг нь тавьж чадсан юм.
ТҮҮНИЙ ХАЙР ДУРЛАЛЫН СОНИРХОЛТОЙ БАРИМТУУД
- Кэти Пэрри 2009 онд жүжигчин Рассел Брэндтэй танилцан үерхэж дараа жил нь гэрлэсэн ч удалгүй салсан байна.
- Түүний “I kissed a girl” буюу “Би охин үнссэн” дууны клипний төгсгөлд Рассел Брэндийн дүрс гардаг аж.
- Тэр Орландо Блүүмтэй нилээд хэдэн жил жирийн найз нөхдийн харилцаатай байсан ч 2016 оны наймдугаар сард далайн эрэг дээр хамтдаа зугаалж буй зураг тэднийг үерхэж буйг ил болгосон юм.
- Кэти Пэрри, Орландо Блүүм нар 2016 оны Халловины баяраар АНУ-ын ерөнхийлөгчийн сонгуульд Доналд Трамтай өрсөлдсөн Хилари Клинтон болон түүний нөхөр Билл Клинтон нарын дүрд хувирчээ. Учир нь Кэти Пэрри Ардчилсан намын үнэнч дэмжигч юм.
- Харин хосуудын харилцаа дуусгавар болж буй гэлтэй ярилцлагыг Орландо Блүүм өнгөрөгч оны дөрөвдүгээр сарын 12-нд өгсөн ярилцлагадаа дурдсан нь "Кэти Пэрри бид хоёр найз байх замыг сонгосон" гэснээр ил болжээ.
- Шүтэн бишрэгчид нь тэднийг буцаад болзож эхлээсэй гэж хүсэж байгаа агаад сайхан тохирсон хос гэж үнэлдэг байна.
- 2017 оны гуравдугаар сарын нэгний өдөр Орландо, Пэрригийн нохойтойгоо авахуулсан зургийг Инстаграмм хуудаснаа нийтэлжээ. Магадгүй хосууд нийлэх гэж байгаа ч юм билүү?
ТҮҮНИЙ ТУХАЙ ФАКТУУД:
- 2003 онд ЮНИСЕФ буюу НҮБ-ын Хүүхдийн сангийн "Сайн санааны элч" болжээ
- Тэрээр өөрийн амьдралаас сэдэвлэсэн "Фэйм" нэртэй комик ном гаргасан байна
- Тэрээр пиццаны хувцастай олны өмнө гарч байсан
- "Билл боард" сэтгүүлийн 2012 оны шилдэг эмэгтэй болсон
- Дуучин Кэти Пэрри, реппер Никки Минажтай хамтран дуулсан "Swish" нэртэй дууны клипэнд "Хаадын тоглоом" киноны уран бүтээлчид тогложээ
- Тэрээр 2013 онд Твиттерийн хатан хаан хэмээн нэрлэгдэж 46,576,850 дагагчтайгаар Жастин Биберийг ардаа орхиж байжээ
- Түүний баруун гарын дунд хуруун дээр Hello Kitty-гийн жижигхэн шивээс байдаг ба тэрээр үүнийгээ 30 насныхаа төрсөн өдрөөрөө хийлгэжээ
- Тэрээр онгоцны үйлчлэгчдийг үздэггүй. Учир нь түүний хуучин нөхөр жүжигчин Рассел Брэнд онгоцны үйлчлэгч бүсгүйтэй учир ургуулж байсан аж
- Тэрээр үгийн сүлжээ бөглөх хоббитой
- “Форбес” сэтгүүлийн 2015 оны хамгийн өндөр ашиг орлого олсон хөгжмийн салбарын эмэгтэйчүүдийн жагсаалтыг тэргүүлж байжээ
- Өнгөрөгч онд твиттерт 100 сая дагагчтай анхны хүн болжээ
- Твиттерт анхны жиргээгээ 2009 оны 2-р сард бичсэн байна
- Түүний үсний төрөлхийн өнгө нь шар аж
- Тэр дуурийн урлагаар хичээллэж байсан
- Тэрээр Селена Гомес, Эшли Тисдейл, Келли Кларксон нарт дуу бичиж өгч байжээ
- Түүний хоёр дахь цомог болох "Teenage Dream" буюу "Өсвөр насны мөрөөдөл" Биллбоард чартыг зургаан долоо хоногийн турш тэргүүлжээ
- 2011 онд Биллбоард чартын шилдэг 100-н дуунд 52 долоо хоногийн турш тасралтгүй байсан анхны уран бүтээлч болж байжээ
- 2011 оны арванхоёрдугаар сард өөртэйгээ адилхан Кэти Пэрри нэрт барби хүүхэлдэйг олон нийтэд танилцуулж байсан
- Тэрээр 17 настай байхдаа дуу хөгжмийн ертөнцөд өөрийн байр сууриа эзлэхийн тулд гэрээсээ явж байжээ
- 2012 оны долдугаар сарын 5-нд “Part of me” нэртэй анхны 3D концертоо театрт тавьж байсан
- Тэрээр Рианна, Перес Хилтон, Адам Ламберт нартай дотно найзууд аж
- "Kitty Purry" нэртэй мууртай тухайгаа өөрийн блогтоо нийтэлжээ
- 2013 онд 20 сая ам.долларын цалинтайгаар "Америкийн шүтээн" шоуны шүүгчээр ажиллах санал тавьсан ч тэрээр татгалзжээ
- 28 насныхаа төрсөн өдрөөр АНУ-н тэргүүн хатагтай асан Мишэль Обаматай үдийн зоог барьж байжээ
- Тэрээр машиндаа Уитни Хьюстоны "I Wanna Dance With Somebody" дууг сонсох дуртай гэнэ
- Дуучин болоогүй байсан бол гэртээ л байж байдаг ээж, эсвэл стилист болох байсан байх гэжээ
- 2011 оны арваннэгдүгээр сард муур шиг хэлбэр бүхий савтай "Purr" нэртэй сүрчигээ танилцуулжээ
ГАРГАСАН ЦОМГУУД:
ТҮҮНИЙ ХУВЦАСЛАЛТЫГ СОНЖВОЛ…
Гэхдээ түүний хувцаслалт, үс засалт, стиль имижийг яг тийм гэхийн аргагүй, үргэлж л хувьсан өөрчлөгдөж байдаг билээ.
