"Periperipeng" гэх нэрээрээ олонд танигдсан 17 настай, Сингапур охин "Дафне Тан" кофег уухаасаа илүү урлаг болгох дуртай нэгэн юм. Тэрээр жилийн өмнөөс кофены хөөсөөр 3D бүтээл хийж эхэлсэн бөгөөд түүний бүтээлүүд Сингапурын Кофены Фестивалийн зохион байгуулагчдын болоод интернет орчны анхаарлыг ихэд татсаар байна.
Дафне "Kофены чанарыг сайжруулах семинарт оролцох боломж олдсон цагаас хойш энэ зүйл миний сонирхлыг татах болсон. Би кофе чанагч дээр туршилт хийсний үр дүнд 3D бүтээл хийдэг бат бөх хөөсийг хийх аргыг олсон" гэжээ. Ийм төрлийн бүтээлийг хийхэд 10-20 минутыг зарцуулдаг бөгөөд Nespresso (кофе чанагч)-н сүү хөөсрүүлэгчийг ашиглаж хөөсөө хийдэг байна.
