Ихэнх сургууль нэгэн хэвийн өнгө будаг, загвартай байдаг шүү дээ. Гэвч хүүхэд залуусын хичээл хийх хандлагад орчин, тэр дундаа өнгө үзэмж маш чухал нөлөө үзүүлдэг аж.
Мөн ажлын орчин ч өнгөлөг байх нь ажилчдын бүтээмжид сайнаар нөлөөлдөг гэнэ шүү. Парисын Их сургуулийн захиргаа сургуульдаа дахин сэргээн засварлалт хийхээсээ өмнө 100 гаруй граффитчдыг уран бүтээлээ хийх үнэгүй талбар олгожээ.
Тэд нэг сарын хугацаанд буюу зургадугаар сарын 16-аас долдугаар сарын 16 хүртэл уг граффитуудыг үзэсгэлэн болгож олонд сонирхуулжээ. Гэхдээ сургуулийн сэргээн засварлалт хийхийн тулд тун удахгүй эдгээрийг арилгана гэдэг харамсалтай. Гэсэн ч олны дунд санал асуулга явуулж хамгийн олон санал авсан граффитын бүтээлийг арилгахгүй үлдээнэ гэнэ.
