Их Британид болох WCSJ 2027-ийн аяллын тэтгэлэгт өргөдөл хүлээн авч эхэллээ.
Энэхүү тэтгэлэг нь дэлхийн өнцөг булан бүрээс шинжлэх ухааны сэтгүүлч, сэтгүүл зүйн чиглэлээр суралцаж буй оюутан болон шаардлага хангасан мэргэжилтнүүдэд 2027 онд Лондон хотноо зохион байгуулагдах Дэлхийн шинжлэх ухааны сэтгүүлчдийн хурлаас (World Conference of Science Journalists – WCSJ) оролцох санхүүгийн дэмжлэг үзүүлэх зорилготой.
Тэтгэлэгт хамрагдахад өргөдлийн хураамжгүй.
WCSJ 2027 хурал Их Британийн Лондон хотын Central Hall, Westminster-т 2027 оны 9 дүгээр сарын 6–10-ны өдрүүдэд зохион байгуулагдана.
WCSJ 2027-ийн аяллын тэтгэлгийн тухай
Зохион байгуулагч улс: Их Британи
Байршил: Лондон хот
Хурал: Дэлхийн шинжлэх ухааны сэтгүүлчдийн хурал (WCSJ 2027)
Хурлын огноо: 2027 оны 9 дүгээр сарын 6–10
Өргөдөл хүлээн авах эцсийн хугацаа: 2026 оны 10 дугаар сарын 23
Хэрэв та бүрэн санхүүжилттэй олон улсын хурал, арга хэмжээнд оролцох боломж хайж байгаа бол WCSJ 2027-ийн энэхүү тэтгэлэг нь сонирхож үзэх боломжтой хөтөлбөрүүдийн нэг юм.
Тэтгэлэгт шалгарсан тохиолдолд авах санхүүгийн дэмжлэг
Амжилттай шалгарсан тэтгэлэгт оролцогчдод дараах дэмжлэгийг үзүүлнэ. Үүнд:
- Лондон хот руу очих болон буцах нислэг, галт тэрэг, автобус зэрэг тээврийн зардал;
- Их Британийн виз мэдүүлэх зардал;
- Орон нутгийн тээврийн хязгаарлагдмал зардал;
- Зургаа хүртэлх шөнийн байрны зардал;
- Хурлын бүрэн бүртгэлийн төлбөр;
- Хурлын үеэрх хоол, ундаа болон өдрийн хоол.
Хэн өргөдөл гаргах боломжтой вэ?
Тэтгэлэг нь дараах чиглэлээр ажиллаж, суралцаж буй хүмүүст нээлттэй.
- Шинжлэх ухааны сэтгүүлч болон хэвлэл мэдээллийн салбарын мэргэжилтнүүд;
- Чөлөөт сэтгүүлч, харилцаа холбоо, мэдээллийн чиглэлээр ажилладаг мэргэжилтнүүд;
- Шинжлэх ухаан, эрүүл мэнд, уур амьсгал, инженерчлэл зэрэг салбарыг сурвалжилдаг сэтгүүлчид;
- Сэтгүүл зүй, шинжлэх ухааны сэтгүүл зүй, медиа судлал, шинжлэх ухааны харилцаа холбоо болон холбогдох чиглэлээр суралцаж буй оюутнууд;
- Сэтгүүл зүй, медиа судлал, шинжлэх ухааны харилцаа холбооны чиглэлээр судалгаа хийдэг болон багшилдаг, мөн хэвлэл мэдээллийн салбарт ажилласан туршлагатай судлаач, багш нар.
Өргөдөл гаргахад шаардлагатай материал
Өргөдөл гаргагчид дараах материалыг бэлтгэсэн байна.
- 2 хүртэлх хуудастай CV буюу намтар;
- 150–300 үгтэй мэргэжлийн танилцуулга;
- Өөрийн хийсэн ажлын 3 жишээ эсвэл холбогдох цахим холбоос;
- 500 үгтэй сэдэл, зорилгын захидал;
- Хурлаас сурч мэдсэн зүйлээ цаашид хэрхэн бусадтай хуваалцах талаарх төлөвлөгөө;
- Ажил олгогч, редактор, боловсролын байгууллага эсвэл холбогдох мэргэжлийн холбооноос гаргасан тодорхойлох захидал;
- Паспортын мэдээлэл;
- Мэргэжлийн туршлага болон харьяалал, байгууллагын талаарх мэдээлэл.
Ажлын жишээнд бичгийн нийтлэлээс гадна аудио, видео болон мультимедиа бүтээлүүд багтаж болно.
Өргөдөл гаргагчдад өгөх зөвлөмж
Сайн өргөдөл нь таны сэтгүүл зүй болон шинжлэх ухааны харилцаа холбооны чиглэлээр хуримтлуулсан туршлага, WCSJ 2027 хуралд оролцох нь мэргэжлийн хөгжилд тань ямар ач холбогдолтой болох, мөн хурлаас олж авсан мэдлэгээ бусадтай хэрхэн хуваалцах талаар тодорхой харуулах хэрэгтэй.
Мөн тэтгэлгийн санхүүгийн дэмжлэг яагаад танд чухал шаардлагатай байгаа, өөрийн санхүүгийн нөхцөл байдлын талаар тайлбарлах нь зүйтэй.
WCSJ 2027-ийн аяллын тэтгэлэгт хэрхэн өргөдөл гаргах вэ?
Юуны өмнө тэтгэлгийн шаардлага, шалгууртай танилцаж, CV, ажлын жишээнүүд болон тодорхойлох захидлаа бэлтгэнэ.
Дараа нь WCSJ 2027 хуралд оролцох хүсэл, зорилго, мэргэжлийн хөгжилд тань ямар ач холбогдолтой болохыг тодорхой тусгасан сэдэл, зорилгын захидал бичнэ.
Үүний дараа онлайн өргөдлийн маягтыг анхааралтай бөглөж, шаардлагатай бүх материалыг хавсарган 2026 оны 10 дугаар сарын 23-ны өдрөөс өмнө илгээнэ.
Шинжлэх ухааны сэтгүүл зүй, медиа, шинжлэх ухааны харилцаа холбооны чиглэлээр ажилладаг болон суралцдаг хүмүүст энэхүү тэтгэлэг нь олон улсын түвшний мэргэжилтнүүдтэй уулзаж, туршлага солилцох, шинэ мэдлэг олж авах, мэргэжлийн хүрээгээ тэлэх үнэ цэнтэй боломж болох юм.
1541
