2026 оны Richard & Susan Hayden Fellowship буюу бүрэн санхүүжилттэй олон улсын тэтгэлэгт хөтөлбөрийн бүртгэл албан ёсоор нээгдээд байна. Энэхүү хөтөлбөр нь Их Британийн Лондон хотод байрлах дэлхийн нэр хүндтэй бодлогын судалгааны байгууллага болох Chatham House дээр 10 сарын хугацаанд хэрэгжих бүрэн санхүүжилттэй хөтөлбөр юм. Дэлхийн бүх улсын иргэд өргөдөл гаргах боломжтой.
Хөтөлбөрийн тухай
Richard & Susan Hayden Academy Fellowship нь карьерийнхаа дунд шатанд яваа мэргэжилтнүүдэд зориулсан олон улсын хөтөлбөр юм. Үүнд академик салбар, төрийн байгууллага, төрийн бус байгууллага, бизнес, иргэний нийгэм, хэвлэл мэдээллийн салбарт ажилладаг хүмүүс хамрагдах боломжтой.
Хөтөлбөрийн хугацаанд оролцогчид өөрсдийн сонгосон сэдвээр гүнзгий судалгаа хийж, олон улсын бодлого, манлайллын ур чадвараа хөгжүүлэх боломжтой.
Товч мэдээлэл
- Хөтөлбөрийн нэр: Richard & Susan Hayden Fellowship 2026
- Байгууллага: Chatham House
- Байршил: Лондон, Их Британи
- Хугацаа: 10 сар (2026 оны 10 сар – 2027 оны 7 сар)
- Төрөл: Full-time Fellowship
- Санхүүжилт: Бүрэн санхүүжилттэй
- Өргөдлийн хугацаа: 2026 оны 4 сарын 7
Санхүүгийн дэмжлэг (Ямар зардлыг даах вэ?)
Энэхүү тэтгэлэг нь оролцогчийн бараг бүх зардлыг бүрэн хариуцна. Үүнд:
- Сард £2,365 тэтгэлэг (амьдрах зардал, байр, хоол, унаа гэх мэт)
- Их Британи руу очих болон буцах онгоцны зардал
- Визний зардал
- UK National Health Service (эрүүл мэндийн даатгал)
- Судалгааны зардал
- Судалгааны аялал, хурал, арга хэмжээ
- Нүүлгэн шилжүүлэхтэй холбоотой зарим зардал
Хөтөлбөрийн бүтэц
Fellowship-ийн хугацаанд оролцогчийн цагийг дараах байдлаар хуваарилдаг:
- Хувийн судалгааны төсөл – 60%
Оролцогч өөрийн судалгааны сэдвээр бие даасан судалгаа хийнэ.
- Судалгааны хамтын ажиллагаа – 20%
Chatham House-ийн судалгааны багтай хамтран ажиллана.
- Манлайллын сургалтын хөтөлбөр – 20%
Манлайлал, бодлого, хэлэлцээр, хямралын удирдлага зэрэг сургалтуудад хамрагдана.
Манлайллын хөтөлбөрт багтах зүйлс
- Танилцах долоо хоног (Induction Week)
- Дэлхийн асуудлуудын хэлэлцүүлэг
- Манлайллын ур чадварын сургалт
- Засгийн газар, бизнес, медиа салбарын удирдагчидтай уулзалт
- Судалгааны илтгэл тавих
- Хувь хүний хөгжлийн коучинг
- Медиа сургалт (TV, радио ярилцлага)
- Карьер зөвлөгөө, mentorship
Хэн өргөдөл гаргах боломжтой вэ?
Дараах шаардлагыг хангасан хүмүүс өргөдөл гаргаж болно:
- Аль ч улсын иргэн байж болно
- Бакалаврын зэрэгтэй байх
- Судалгааны туршлагатай байх
- Career-ийн эхэн–дунд шатны мэргэжилтэн
- Академик, NGO, төр, бизнес, медиа салбарын хүмүүс
- Олон улсын харилцаа, бодлогын чиглэлээр сонирхолтой
- Насны хязгаар байхгүй
Сонгон шалгаруулалт
Оролцогчдыг дараах шалгуураар сонгоно:
- Сурлагын амжилт
- Судалгааны чадвар
- Манлайллын потенциал
- Дэлхийд эерэг нөлөө үзүүлэх зорилго
- Судалгааны санал (research proposal)
