2026 оны Super Bowl дээр Bad Bunny бүхэлдээ испани хэлээр тоглосон нь АНУ-ын цагаачлалын бодлого чангарч, Пуэрто Рикогийн бүрэн эрх, бүр цаашлаад Испанийн хаант улсад дахин нэгтгэх тухай маргаан сэргэж буй үетэй давхцаж байна.
Калифорни мужийн Санта Клара хот дахь Levi’s цэнгэлдэх хүрээлэнд Super Bowl буюу Америкийн NFL /үндэсний хөлбөмбөгийн холбоо/ улирлын төгсгөлийн тоглолт эхэллээ. АНУ төдийгүй дэлхийд алдартай уг шоуны нээлтэд Пуэрто Рикогийн реппер Bad Bunny голлон дуулсан. Гэтэл үүнийг зарим хүмүүс эсэргүүцэж буй ч дүрмэрээ Bad Bunny нь АНУ-ын иргэн тул Super Bowl дээр тоглох эрхтэй аж.
Пуэрто Рикогоос гаралтай Bad Bunny нь нийт 6 Грэмми хүртснээс саяхан болж өнгөрсөн 2026 оны Грэммигээс 3-ыг нь хүртсэн юм. Тэрбээр тайзан дээр үг хэлэхдээ АНУ-ын бодлогын эсрэг яриаг цухас дурдсан нь мөн дээрх эсэргүүцлийг өдөөгөөд буй.
Тэрбээр аль хэдийн хөгжмийн түүхэнд томоохон амжилт гаргаж, испани хэл дээрх цомгоороо Grammy-гийн “Оны шилдэг цомог” шагналыг хүртсэн анхны уран бүтээлч болсон.
Түүний тоглолт бүхэлдээ испани хэлээр явагдсан ба Super Bowl-ийн түүхэнд өмнө нь ийм зүйл огт болж байгаагүй аж. Энэ бол зүгээр нэг уран бүтээлийн үзүүлбэр бус харин улс төр, хүн ам зүйн хурцадмал байдал дунд өрнөж буй АНУ-ын түүхэн мөчийн чухал илэрхийлэл юм.
Өдгөө испани хэлээр ярих нь бүр эсэргүүцлийн хэлбэр болсон. Энэ хэл нь хил хяналтын бодлогыг эсэргүүцэх, Пуэрто Рикогийн статусын талаар шийдэл шаардах хэрэгсэл болоод буй.
АНУ-д 65 саяас илүү испани гаралтай хүн амьдарч буй бөгөөд ингэснээр испани хэлээр ярьдаг хүний тоогоороо Мексикийн дараа дэлхийд хоёрдугаарт орж байна. Өмнө нь Шакира, Женнифер Лопес зэрэг латин, испани гаралтай уран бүтээлчид өмнө нь энэ тайзан дээр гарч байсан. Гэвч Америкийн соёлын оргилыг илэрхийлдэг, англи хэл давамгайлж ирсэн энэ тайзан дээр зөвхөн испани хэлээр дуулах шийдвэрийг хэн ч өмнө нь гаргаж байгаагүй. Дональд Трамп энэ тоглолтод оролцохгүй гэдгээ аль хэдийн мэдэгджээ.
Эх сурвалж: BBC
