Mamamoo хамтлагийн Hwasa анхны бие даасан тоглолтоо энэ оны нэгдүгээр сарын 17–18-нд Сөүл хотноо хийхээр болсон тухай түүний агентлаг P Nation баасан гарагт мэдэгдлээ.
Тэрээр өнгөрсөн аравдугаар сард гаргасан “Good Goodbye” дижитал синглээрээ амжилтын оргилд хүрээд байгаа юм. Уг дуу телевизийн хөгжмийн чартын нэвтрүүлгүүдээс нийт дөрвөн цом хүртжээ.
Мөн тус дуу Billboard-ийн World Digital Song Sales Chart-ыг тэргүүлсэн байна.
Харин зургаадугаар сард тэрээр Mamamoo хамтлагийн гишүүний хувиар шинэ цомог гаргана. Уг цомгоороо хамтлаг дебютын 12 жилийн ойгоо тэмдэглэж, олон улсаар аялан тоглолт хийхээр төлөвлөжээ.
