Энэ долоо хоногт Хонг Конгийн орон сууцны түймрийн дараа эмгэнэл, сэтгэлээ илэрхийлсэн мэдэгдлүүд үргэлжилсээр байгаа бөгөөд YG Entertainment болон охидын хамтлаг (G)I-DLE тусламж, сэргээн босгох үйл ажиллагаанд хувь нэмрээ орууллаа.
Өнөөдөр YG Entertainment албан ёсны Weibo хуудсаараа дамжуулан:
“Хонг Конгод болсон энэ эмгэнэлт үйл явдлын улмаас хүний амь эрсдэж, олон хүний эд хөрөнгө сүйдсэнд бид маш их харамсаж байна. Хохирогчдод гүн эмгэнэл илэрхийлж, аврах ажиллагааны тэргүүн эгнээнд ажиллаж буй бүх хүнд талархал, хүндэтгэлээ илэрхийлье. Энэ хүнд хэцүү үед YG Entertainment яаралтай тусламж болон сэргээн босголтын ажиллагаанд дэмжлэг болгон 1,000,000 HKD (~130,000 USD) хандивлахаар шийдлээ. Энэ жижиг боловч чин сэтгэлийн тусламж нь хүмүүст бага ч гэсэн урам зориг өгнө гэдэгт найдаж байна.” хэмээжээ.
Мөн охидын хамтлаг (G)I-DLE нь Хонг Конгийн Тай По дүүргийн орон сууцны түймэрт өртсөн иргэдэд туслах зорилгоор 1 сая юань (~140,000 USD) хандив өгчээ.
Түүнчлэн, "2025 MAMA AWARDS" Хонг Конгод 11-р сарын 29–30-нд Kai Tak цэнгэлдэх хүрээлэнд төлөвлөсөн ёсоороо зохион байгуулагдана. Гэхдээ улаан хивсний ёслол болохгүй бөгөөд гол арга хэмжээний хөтөлбөрийн ихэнх хэсэг нь түймэрт өртөгсдийн дурсгалыг хүндэтгэхэд зориулагдах юм байна.
