Blackpink хамтлагийн гишүүн Rosé-г групп зургаас хассан Elle UK сэтгүүл арьс өнгөөр ялгаварласан гэх шүүмжлэлд өртсөний дараа уучлалт гуйлаа.
Сэтгүүл өнгөрсөн Баасан гарагт Instagram-ийнхаа Story-д дараах мэдэгдлийг нийтэлжээ:
“Paris Fashion Week-ийн үеэр нийтэлсэн зургаас Blackpink-ийн Rosé-г хасаж оруулсан нь буруу үйлдэл болсон. Бид хэнийг ч гомдоох гэсэн санаа байгаагүй бөгөөд үүнээс болж гарсан бүхий л ойлгомжгүй байдалд чин сэтгэлээсээ уучлал хүсэж байна.”
Маргаан нь Saint Laurent-ийн 2026 оны хавар/зун загварын шоуны үеэр (даваа гарагт болсон) авсан зургаас эхэлжээ. Тухайн зурагт Rosé, дуучин Charli XCX, загвар өмсөгч Hailey Bieber, жүжигчин Zoë Kravitz нар хамт байсан юм.
Гэвч Elle UK-ийн нийтэлсэн хувилбарт Rosé алга байсан бөгөөд тэрээр уг брэндийн дэлхийн элч төлөөлөгч юм.
