Солонгосын сайхан бүсгүйн тэмцээн болох “Мисс Корeа” (Miss Korea) тэмцээнд оролцож, шигшээд шалгарч байсан модель Kim Go Eun Netflix-ийн нэртэй болзооны реалити шоу болох “Single’s Inferno 5”-д нэгдсэн талаар сүүлийн үеийн энтертайнмент салбарын мэдээллүүд мэдээлж байна.
2000 онд төрсөн Kim Go Eun нь БНСУ-ын хөлбөмбөгийн шигшээ багийн хуучин тамирчин Ким Хён Су-гийн охин юм. Тэрээр царайлаг төрх, миссийн амжилт зэргээр олны анхааралд өртсөн бөгөөд дараа нь BIGBANG хамтлагийн гишүүн G-Dragon-той болзож байгаа гэх цуурхлуудаар олны танил болсон. Гэсэн ч тухайн үед G-Dragon-ы агентлаг тэднийг зүгээр л дотно найзууд хэмээн мэдэгдэж, болзож буйг үгүйсгэж байсан билээ.
Netflix-ийн “Single’s Inferno” шоу нь ганц бие залуусыг алслагдсан “Inferno” нэртэй арал дээр байрлуулж, тэнд романтик холбоо үүсгэж чадсан хосууд л тансаг “Paradise” руу шилжих боломжтой болдог өвөрмөц форматаараа дэлхий дахины анхаарлыг татсан реалити нэвтрүүлэг юм. Энэхүү шоу нь Netflix-ийн Гадаад хэл дээрх ТВ нэвтрүүлгийн Глобал ТОП 10-д тогтмол багтаж ирсэн.
Тав дахь улиралдаа орж буй энэ шоу нь Солонгосын анхны 5 улиралтай олон ангит реалити нэвтрүүлэг болж байгаа юм. Өмнөх улирлуудаас Song Zia, Cha Hyun Seung, Dex, Shin Seul Ki, Lee Kwan Hee зэрэг олон алдартнууд төрөн гарсан байдаг.
