Хэрвээ та үсээ өдөр бүр угаадаг бол одоо энэ зуршлаасаа татгалзах цаг иржээ. Үсээ хэт ойр угааснаар хатах, хугарах, загатнах, тэр байтугай үс унах зэрэг олон сөрөг нөлөө үзүүлдэг.
Мэдээж ариун цэвэр чухал, гэхдээ байгалийн тослогийг хадгалах нь ч бас чухал юм. Ингээд мэргэжилтнүүд үсээ яагаад хэт угааж болохгүйг тайлбарласныг хүргэе.
1. Үсний байгалийн тослогийг арилгадаг
Таны хуйхнаас ялгардаг байгалийн тос нь үсийг чийгшүүлж, зөөлөн, гялалзсан байлгахад чухал нөлөөтэй. Хэт их угаах, ялангуяа хүчтэй шампунь хэрэглэвэл энэ нь хамгаалалтын тосыг дарж, үсийг хатааж, амархан хугарч унахад хүргэнэ.
2. Хуйхны микробиомыг алдагдуулдаг
Таны хуйханд арьс шиг тэнцвэртэй бичил биетний экосистем (микробиом) оршдог. Үүнийг хэт угааснаар сөрөг нөлөө үзүүлж, загатнах, хагтах, эвгүй үнэр гарах, үс унах зэрэг асуудал үүснэ.
3. Хуйхны рН тэнцвэрийг алдагдуулдаг
Хуйх байгалиасаа хүчиллэг рН-тэй байдаг бөгөөд энэ нь бактер, мөөгөнцрөөс хамгаалдаг. Хэт их угааж, ширүүн найрлагатай шампунь хэрэглэвэл энэ рН тэнцвэр алдагдаж, арьсны эмзэг байдал нэмэгддэг.
4. Илүү их тослог ялгаруулахад хүргэдэг
Сонирхолтой нь, хэт их угаах нь хуйхныг илүү их тос ялгаруулдаг болгож хувиргадаг. Байгалийн тосыг байнга арилгахаар хуйх "алдсан тосоо нөхөхийн тулд" илүү их тос ялгаруулж эхэлдэг.
Ингэснээр үс тань хурдан тослогтож, дахин дахин угаах хэрэгтэй мэт мэдрэмж төрнө.
5. Үсний байгалийн гялалзах байдлыг бууруулдаг
Үсний байгалийн тослог нь үсний гялалзсан эрүүл байдлыг хадгалахад тусалдаг. Хэт угааж арилгаад байвал үс гандсан, эрүүл бус харагдах болно.
Тэгвэл үсээ хэр ойр угаах вэ?
- Нарийн ширхэгтэй үс – өдөр бүр эсвэл 2 өдөрт нэг удаа угааж болно.
- Бүдүүн ширхэгтэй үстэй хүмүүс – 3–4 хоногт нэг удаа эсвэл долоо хоногт нэг удаа хангалттай.
- Буржгар үс – чийгшил шаарддаг тул долоо хоногт нэг удаа эсвэл түүнээс ч цөөн угаах нь тохиромжтой.
- Будсан эсвэл химитэй үс – ойр ойрхон угаах нь хуурайшуулах, өнгө алдахад хүргэнэ. 3–5 хоногт нэг удаа, зөөлөн шампунь хэрэглэх нь зүйтэй.
Орлуулж болох аргууд:
- Хуурай шампунь – байгалийн тосыг алдагдуулахгүйгээр угаах хооронд үсийг сэргээх маш сайн сонголт юм.
- Co-washing – шампунийн оронд ангижруулагчаар угаах нь чийгийг хадгалахын зэрэгцээ шороо, тосыг арилгахад тусалдаг.
- Зөвхөн усаар угаах – Зөвхөн усаар үсээ угаах нь байгалийн тосыг хадгалах арга
