Ажлын ярилцлага нь зөвхөн таны ур чадвар, туршлагыг шалгах тухай биш, харин тухайн ажил олгогч таны зан чанар, асуудал шийдвэрлэх чадвар, гэнэтийн асуудалтай хэрхэн нүүр тулдагийг шалгадаг.
"Сандал" тест:
“Сандал” тест нь ажил горилогчдыг тавгүй байдлаас хэрхэн хариу үйлдэл хийхийг шалгах энгийн арга юм. Ярилцлага эхлэхийн өмнө, ажил олгогч тогтвортой биш, таагүй сандал өгч, түүний хажууд эвтэйхэн, бат бөх сандал байршуулдаг. Энэ нь таны тэнцвэрийг шалгах биш, харин та асуудлыг анзаарч, шийдвэрлэхийн тулд хэрхэн хариу үйлдэл үзүүлэхийг нь харах зорилготой юм.
Тухайн сандлыг солих хүсэлт гаргах, эсвэл асуудлыг шийдэхийг хүсэх ажил горилогч нь өөрийн эрх ашгаа хамгаалах болон итгэлтэй байдлыг харуулдаг. Харин тавгүй байдалд тэсч гарч буй хүн нь идэвхгүй байдалтай, асуудлыг шийдэхийг хүсэхгүй гэж үзэгдэж магадгүй.
Хариу аргачлал: Хэрэв та ийм нөхцөлд орвол асуудлыг шийдэж, хүсэлт тавиарай.
Ярилцлага бол хоёр талын үнэлгээ юм—та ч бас компанийг үнэлж байгаа шүү дээ. Хэрэв сандал тогтворгүй байвал ийм зүйл хэлж болно:
"Энэ сандал жаахан тогтворгүй юм шиг байна, тэр сандал руу шилжээд суучих уу?"
"Кофены аяга" тест:
Өөр нэг нийтлэг арга бол "Кофе аяганы тест" бөгөөд энэ нь ажил горилогчийн анхаарал, нийгмийн мэдрэмжийг үнэлэх зорилготой. Ярилцлагын үед ажил олгогч танд кофе санал болгож, ярилцлага дууссаны дараа түүнийгээ хэрхэн яахыг ажиглана.
Хэрэв та аягаа цайны өрөөнд буцааж тавих, эсвэл хаана тавихыг асуухыг сонгосон бол энэ нь өөрийгөө болон бусдыг анхаардаг, багийн ажиллагаатай хүн гэж харагддаг. Харин орхиж явбал хариуцлагад хайнга ханддаг гэж ойлгогдож магадгүй.
Эх сурвалж: Bright Side
