АНУ-д зохион байгуулагдсан Billboard Music Awards 2024 арга хэмжээнээс Stray Kids хамтлаг “Top Global K-Pop Artist” буюу “Дэлхийн шилдэг кпоп уран бүтээлч” шагналыг хүртлээ. Энэ нь тэдний эл шагнал гардуулах ёслолоос авсан хоёр дахь томоохон шагнал болж байгаа юм. Тэд өнгөрсөн жил “Top K-Pop Album” шагналыг хүртсэн.
Шагнал авахдаа хэлсэн үгсээс хүргэж байна.
Хамтлагийн ахлагч Bang Chan “Бид дэлхийн өнцөг булан бүрд байгаа фенүүддээ маш их баярлалаа гэж хэлэхийг хүсэж байна. Та нар байгаагүй бол бид өнөө орой энэ тайзан дээр зогсож, ийм утга учиртай шагнал авахгүй байх байсан”
Felix “Бид STAY-тэй хамт дахин гайхалтай, мартагдашгүй жилийг өнгөрүүллээ. Та бүхний бидэнд өгч буй хайр, дэмжлэгийг үргэлж бодож, хариуд нь бид хичээн ажиллаж та бүхэнд үнэхээр таалагдах хөгжим бүтээхийг хүсэж байна”
Seungmin “Бидний хажууд STAY байгаа учраас бид ийм онцгой шагналыг хүртэж, энэ жил дахин ийм том тайзан дээр зогсох боломжтой боллоо. Бид энэ жил BBMA-д оролцож, дэлхийн шилдэг кпоп уран бүтээлчээр шалгарч чадсан нь үнэхээр гайхалтай юм. Өөр нэг гайхалтай дурсамж бүтээлцсэн фенүүддээ баярлалаа" хэмээн хэлэв.
“Billboard Music Awards 2024”-ийн тайзнаа Coldplay, Seventeen, Tyla, Teddy Swims зэрэг уран бүтээлчид үзүүлбэрээ толилуулсан. Stray Kids ч өөрсдийн "Chk Chk Boom" болон "JJAM" дуунуудаар үзүүлбэр үзүүлсэн юм.
Тэд энэ жил тус шагнал гардуулах ёслолд кпоп салбарын шилдгүүд болох BTS-ийн Жонгүг, Жимин, TXT болон Enhypen зэрэг хамтлаг, уран бүтээлчидтэй өрсөлдөж ялалт байгуулсан аж. Эдгээр уран бүтээлчид нь олон улсын хэмжээнд хүчтэй нөлөөтэй, үзүүлэлт өндөртэй байсан тул өрсөлдөөн нэлээн ширүүн байсан гэж үзэж болно. Гэсэн ч тэд энэхүү өрсөлдөөнд ялалт байгуулж фенүүддээ болон өөрсдийн карьертаа дахин нэг томоохон хуудас нэмж чадлаа.
Эх сурвалж: Teen Vogue, Maeil business newspaper
