Диана Армстронг ойролцоогоор 42 фут (13 метр) урт хумсаар дэлхийн дээд амжилтыг эзэмшиж байна. Түүнийг 27 жилийн турш хумсаа тайруулаагүйг мэдсэнээс хойш олон хүн түүний ер бусын хумсаа яаж авч явдаг талаар их сонирхдог болжээ.
Энэ ер бусын нөхцөл байдалд юу нөлөөлөв?
Миннеаполис хотын уул эмэгтэйн хумсны урт нь 42 фут 10.4 инч (1306.58 см) бөгөөд энэ нь сагсан бөмбөгч ЛеБрон Жэймсийн өндрийг зургаагаар үржүүлсэнтэй тэнцэнэ.
Тэр залуу багаасаа хумс, хумсны урлагт дуртай байжээ. "Би үргэлж урт хумстай байсан, гэхдээ ийм ч урт биш л дээ. Ээж маань үргэлж хумсаа ургуулдаг байсан болохоор би байнга ээжтэйгээ адилхан хумстай байсан” гэж Армстронг сэтгэгдлээ хуваалцжээ.
Гэр бүлийн эмгэнэлт явдал нь түүнийг дэлхийн дээд амжилтад хүргэсэн.
1997 онд Армстронг 16 настай охиноо алдсан эмгэнэлт явдал болсон юм. Түүний охин Латиша астма өвчний улмаас нойрондоо эмгэнэлтэйгээр нас баржээ. Нас барахынхаа өмнөх өдөр Латиша ээжийнхээ хумсыг өнгөлж байсан бөгөөд Армстронг түүний дараа хумсаа тайрч чадсангүй. “Тэр хумсыг маань өнгөлж, надад зориулж засалт хийсэн" гэж тэр санаа алдан хэлэв. Латишаг нас барснаас хойш бараг арав гаруй жилийн турш сэтгэлийн хямралтай тэмцжээ. Тэрээр “Би хумсаа харах болгондоо охиноо боддог" гэж байлаа.
Тэр маш урт хумстай өдөр тутмын амьдралаа хэрхэн зохицуулдаг вэ?
Маш олон хүн сошиал сүлжээнд сониуч асуулт тавьжээ. Нэгэн хэрэглэгч "Тэр яаж өөрийгөө цэвэрлэдэг юм бол?" Өөр нэг нь "Тэр яаж арчих вэ?" гэж байхад гуравдагч хүн "Тэр хэзээ ер нь ингэхэд ажиллаж байсан болов уу?"
Армстронг эдгээр асуултад “За, чи мэднэ дээ, би бие засах газар ороход бусад хүмүүс бие засдагтай л адилхан; Би зүгээр л хумсаа тэднээс өөр аргаар авч явдаг байх. Би ариун цэврийн цаас их хэрэглэдэг."
Тэрээр урт хумстай болсноос хойш амьдралын хэв маягаа өөрчилсөн бөгөөд товчтой хувцаснаас зайлсхийж, машин жолоодохоос татгалзжээ.
Дианад өдөр бүр ер бусын урт хумсны бэрхшээлтэй тулгардаг тул аяга таваг угаах, ор дэр засах гэх мэт зарим ажил хийх нь түүнд бараг боломжгүй. "Би хөдөлгөөндөө маш болгоомжтой байх ёстой" гэж тэр тайлбарлав. “Би өөрийгөө гэмтээхгүй, хумсаа хугалахгүйн тулд дараагийн алхамдаа сэтгэл санаагаа үргэлж бэлддэг. Гэхдээ би шинэ эхлэлийг тэсэн ядан хүлээж байгаа учраас хумсаа авах гэж байгаадаа баяртай байна.
Одоо Армстронгийн ач, зээ нар түүний хумсыг арчлах үүрэгтэй.
Одоо Армстронгийн ач, зээ нар түүний хумсыг арчлах үүрэгтэй бөгөөд хумсаа нааж, өнгөлөхөд ихэвчлэн таван цаг зарцуулдаг бөгөөд нэг удаадаа 20 шил хумсны будаг хэрэглэдэг.
Түүний ер бусын амжилтыг үнэлэн гэрчилгээг албан ёсоор олгох үед Армстронг маш их сэтгэл нь хөдөлжээ. "Би Латиша миний хумсыг хамгийн сүүлд янзалсан хүн учраас надаар бахархах байх" гэж боджээ.
Саяхан 30 орчим жилийн дараа тэрээр хумсаа тайрахаар шийджээ.
Дианагийн хумсыг эдүгээ Флорида мужийн Орландо хот дахь Риплигийн “Итгэх үү, эс итгэх үү” музей хадгалан нийтэд толилуулах болжээ.
Урт хумсны ариун цэвэр?
Карди Б, Билли Эйлиш зэрэг оддын гарыг чимсэн урт хумс сүүлийн үед трэнд болоод байна. Гэсэн хэдий ч биологич Жеффри Каплан энэхүү загварлаг дүр төрх нь эрүүл мэндэд зарим эрсдэл, ялангуяа хумсны завсар нь нянгийн цугларах цэг гэдгийг сануулж байна. “Хумс урт байх тусам бичил биетний наалдах гадаргуу их байдаг. Судалгаагаар хумсан доор дунджаар 32 төрлийн бактери, 28 өөр мөөгөнцөр байдаг гэдгийг тогтоосон. Каплан "Та хумсны эдгээр бактерийг маажих, хумсаа хазах, хамар ухах, хуруугаа хөхөх зэрэг зуршлуудаараа биедээ нэвтрүүлэх болно" гэж анхааруулав.
