Уур амьсгалын өөрчлөлтийн тухай яриа нь хүмүүст айдас түгшүүр төрүүлдэг тул кинон дээр энэ асуудлыг хөндөх нь олон нийтэд илүү хүрдэг. Хуучны баримтат киноноос эхлээд хамгийн сүүлийн үеийн цаг уурын өөрчлөлтийн тухай үзэж болох хамгийн алдартай 10 кинонуудыг жагсаалтыг энд оруулав.
1. Don’t Look Up (2021)
Уур амьсгалын өөрчлөлтийг харуулсан шилдэг кинонуудын жагсаалтын эхнийх нь Леонардо ДиКарпиогийн тоглосон " Don’t Look Up " кино юм. Netflix-ийн дээд амжилт тогтоосон кино нь шинжлэх ухааны профессор шавьтайгаа хамт дэлхийг устгах магадлалтай хурдан ойртож буй сүүлт одыг олж илрүүлсэн тухай өгүүлдэг. Тэд хамтдаа засгийн газар болон олон нийтэд хандан хүн төрөлхтний оршин тогтноход учирч болзошгүй аюул, түүний үр дагаварт итгүүлэх хэрэгтэй болдог. Тус баг нийгмийн сүлжээний галзуурал, улс төрийн идэвхгүй байдал, хэвлэл мэдээллийн хэрэгслийн анхаарлын хомсдол зэргийг даван туулахын тулд тэмцэнэ. Мөн энэ кино нь хэрэв улстөрчид хангалттай хурдан ажиллаж шуурхай арга хэмжээ авахгүй бол эх дэлхийгээ аврахад хэтэрхий оройтно гэдгийг сануулна.
2. Princess Mononoke (1997)
Японы "Гүнж Мононоке" кино 25 жилийн өмнө нээлтээ хийсэн ч цаг уурын өөрчлөлтийн тухай хамгийн сонирхолтой кинонуудын нэг хэвээр байна. Аситака чөтгөрийн хараалыг эмчлэх аргыг олох аян замдаа ойн бурхад болон уурхайн хотхон Татара хоёрын хоорондох дайны дунд оржээ. Энэхүү улс төрийн анимэ нь байгаль сүйрсний ба хүн төрөлхтөн зохицон амьдрах чадваргүй болсны үр дагаврыг дүрслэн харуулдаг.
3. The Day the Earth Stood Still (2008)
Жагсаалтын дараагийнх нь хүнтэй төстэй харь гаригийн зочин болон түүний аварга роботын тухай 1951 оны сонгодог шинжлэх ухааны уран зөгнөлт киноны шинэчилсэн найруулга юм. Клаату хэмээх энэхүү харь гарагийн зочин өөрийгөө дэлхийг аврахаар ирсэн гэж хэлдэг. АНУ-ын цэргийн баазад дуудагдсан доктор Хелен Бенсон түүнд зугтахад нь туслахаар шийджээ. Харин Клаату дэлхийгээс хүмүүсийг зайлуулах бодолтой байв. Учир нь хүмүүс дэлхийн байгаль орчныг сүйтгэж байгаа бөгөөд харь гаригийнхан хүн төрөлхтнөөс бусад гараг болон түүний төрөл зүйлийг аврахаар ирсэн.
4. Before the Flood (2016)
Уур амьсгалын өөрчлөлтийг харуулсан шилдэг кинонуудын нэг бол жүжигчин Леонардо Ди Каприо, National Geographic хоёрын хамтран бүтээсэн "Үерийн өмнө" кино юм. Энэхүү баримтат кино нь ойн хомсдол, далайн усны түвшин нэмэгдэх болон хүний бусад үйл ажиллагаанаас үүдэлтэй уур амьсгалын өөрчлөлтөд янз бүрийн оролцогч талууд хэрхэн нөлөөлж байгаа тухай сэтгэл хөдлөм түүхийг багтаасан болно. Энэхүү баримтат кино нь дэлхийн удирдагчдыг илүү тогтвортой ирээдүйн төлөө тэмцэхийг уриалж, махны хэрэглээг бууруулахаас эхлээд байгаль орчны эерэг өөрчлөлтийг санаачлах удирдагчдын төлөө санал өгөх хүртэл өөрсдийн амьдралд хэрэгжүүлж болох шийдлүүдийг үзэгчдэд хүргэхийг уриалсан байна.
5. Eating Our Way to Extinction (2021)
Дараагийнх нь Оскарын шагналт жүжигчин Кейт Уинслетийн найруулсан баримтат кино юм. Энэхүү гэгээлэг кино нь дэлхийн хүнсний үйлдвэрүүд олон тооны туршилтуудаар уур амьсгалын өөрчлөлтийг хэрхэн хурдасгаж байгааг харуулсан болно. Энэ кино нь таны хүнсний талаарх ойлголтыг өөрчилж, орчин үеийн үйлдвэрлэл хүнсний аюулгүй байдлыг хэрхэн алдагдуулж байгааг ойлгоход тань туслах нь дамжиггүй.
6. 2040 (2019)
Хэрэв та илүү өөдрөг зүйлийг хайж байгаа бол “2040” киног үзээрэй. Тулгамдсан асуудлын шийдэлд чиглэсэн баримтат кино нь дөрвөн настай охиныхоо ирээдүйд ямар амьдралтай болохыг төсөөлж буй нэгэн австрали аавын түүхийг дүрсэлдэг.
7. Burning (2021)
Оскарын шагналт Австралийн кино найруулагч Эва Орнер 2019-2020 онд "Хар зун" гэгддэг Австралийн урьд өмнө тохиолдож байгаагүй гамшигт, үхлийн аюултай ойн түймрийг харуулсан байна. Энэхүү түүхийг гал түймэрт өртсөн хүмүүс болон идэвхтэн, эрдэмтдийн байр сууринаас өгүүлэх энэхүү баримтат кино нь Австралийн засгийн газрын идэвхгүй байдал, эдгээр гамшигт үзэгдлүүдийн нөхөж баршгүй хохирлыг илчилж дэлхийн уур амьсгалын өөрчлөлтийн асуудалд анхаарлаа хандуулдаг.
8. The Day After Tomorrow (2004)
Роланд Эммерихийн 2004 онд гаргасан энэхүү онц сонирхолтой бүтээл нь цаг уур судлаач Жак Холлын түүхийг өгүүлдэг бөгөөд түүний судалгаагаар дэлхий даяар асар их шуурга үүсч, гамшигт байгалийн үзэгдэл тохиолдох магадлалыг харуулсан. Ди Каприогийн тоглосон "Дээшээ бүү хар" кинонд гардагтай адил НҮБ-ын албан тушаалтнууд болон дэлхийн удирдагчид ойртож буй эмгэнэлт явдлын тухай түүний сэрэмжлүүлгийг үл тоомсорлодог. Уг кинонд Атлантын далай зогсонги байдалд орж, дэлхий мөстлөгийн үе рүү ордог. Далайн усны эргэлтийн систем суларч буйг олон талын судалгаа нотолж байгаа тул ирээдүйд үүнтэй төстэй зүйл тохиолдохыг үгүйсгэх аргагүй юм.
9. An Inconvenient Truth (2006)
An Convenient Truth бол байгаль орчны чиглэлээр хийгдсэн хамгийн чухал, шилдэг кинонуудын нэг юм. Энэхүү кинонд АНУ-ын дэд ерөнхийлөгч асан Ал Горын 2000 онд дэлхийн дулаарлын талаар хүмүүст мэдлэг олгох кампанит ажлын тухай өгүүлсэн. Уур амьсгалын өөрчлөлтийн тухай энэхүү илтгэлийг дэлхийн үзэгчдэд 1000 гаруй удаа хүргэсэн гэж Гор мэдэгдэв. Киноны төгсгөлд Гор “Бидний хүн нэг бүр дэлхийн дулаарлын шалтгаан болж байгаа ч шийдэл нь бидний гарт юм” гэж онцолсон байна.
10. 2012 /2009/
Энэ кино нь 2012 онд тохиолдох гэж буй (Майячуудын хуанлийн тайлбарт дурдсанчлан) дэлхийн хэмжээний гамшигт үзэгдлийн тухай өгүүлдэг. Кинонд газар хөдлөлт, цунами, галт уулын дэлбэрэлт зэрэг байгалийн гамшигт үзэгдлүүд хүн төрөлхтний оршин тогтнолд заналхийлж буй харуулна.
Дэлхийн олон тэрбум оршин суугчид энэ гаригийн ашиглалтын хугацаа дууссан гэдгийг мэддэггүй. Америкийн эрдэмтэн (Чиветел Эжиофор)-ний сэрэмжлүүлснээр дэлхийн удирдагчид нийгмийн сонгогдсон гишүүдийн амьд үлдэх нууц бэлтгэлийг эхлүүлдэг. Дэлхий даяар сүйрэл нэгэнт бодитоор явагдаж эхлэх үед нь бүтэлгүйтсэн зохиолч Жексон Кертис гэр бүлээ аюулгүй газар авчрахыг оролдоно.
11. Into the Storm
Шилдэг 10т багтаагүй ч нийтлэлч миний зүгээс хоёр киног жагсаалтад нэмлээ.
Силвертон хотод шинэ өдөр эхэлж байгаа тул оршин суугчдад энэ нь ердийнхөөс өөр зүйл болно гэж итгэх шалтгаан бага мэт санагдахаар. Гэхдээ байгаль эх өөр төлөвлөгөөтэй байна. Хэдхэн цагийн дотор урьд өмнө хэзээ ч байгаагүй хүчтэй хар салхи Силвертоныг сүйрүүлэв. Айж сандарсан оршин суугчид хоргодох газар хайж, шуурга ажиглагчид хамгийн муу зүйл ирэх болно гэж таамаглана.
12. Geostorm
Урьд өмнө хэзээ ч үл тохиолдсон олон тооны байгалийн гамшиг манай гаригт заналхийлсний дараа дэлхийн удирдагчид дэлхийн уур амьсгалыг хянаж, хүн бүрийн аюулгүй байдлыг хангах нарийн төвөгтэй хиймэл дагуулын сүлжээг бий болгохоор нэгджээ. Гэвч ямар нэг зүйл буруу болсон: Дэлхийг хамгаалахын тулд бүтээсэн систем нь өөрөө эргээд Дэлхий рүү довтлох бөгөөд дэлхий даяарх гео шуурга бүх зүйлийг болон хүн бүрийг устгахаас өмнө бодит аюулыг илрүүлэхийн тулд цаг нартай уралдаж тэмцэлдэнэ.
