Та болзоонд явахаас залхаж, тохирох хүнээ олохгүй л байна уу? Сэтгэлд нийцэх, энэ хүн л мөн байна гэх халуун дулаан мэдрэмжээс хөндийрч, тийм хүн гарч ирэхгүй мэт санагдан бүр эцэст нь хайр сэтгэл байдаг эсэхэд ч эргэлзэх болсон юм биш биз.
Тэгвэл удаан хугацааны турш ганц бие байгаа хүмүүс нийтлэг 12 араншинтай байдаг аж.
1. Хэтэрхий сонгомол байх
Хүн бүрд тодорхой цензур байх нь зүйтэй ч хэн ч энэ хорвоо дээр төгс нэгэн болж төрөөгүйг санаарай. Тийм зан чанар, үнэт зүйл, бие бялдар, сонирхол хоббитой байх ёстой гэх өндөр цензур тогтоочихоор түүнд тохирох төгс нэгэн гарч ирэхгүй шүү дээ.
2. Хэтэрхий шүүмжлэх
Та боломжит хамтрагчдаа хэтэрхий сонгомол хандвал бусдыг амархан шүүж эхэлдэг. Хэрэв та бусдыг гадаад төрх, гарал үүслээр нь дүгнэдэг бол сайн хүнийг ч алдаж болох. Хүн бүрд шударга боломж олго.
3. Баталгааг байнга эрэлхийлдэг
Баталгаажуулахыг хүсдэг нь хүний мөн чанар боловч баталгаажуулах нь зайлшгүй шаардлагатай бол энэ нь бидний харилцаанд саад учруулж болзошгүй юм. Өөртөө итгэх итгэлийг төлөвшүүлж, бусдаас баталгааг байнга эрэлхийлэхийн оронд өөрсдийн үзэл бодолд найдах нь чухал.
4. Өөрийгөө хангалттай хайрладаггүй
Хайраа олохыг урьтал болгох нь сайхан хэрэг, гэхдээ өөртөө хайр, үнэ цэнэ, баталгаа өгөхөө бүү мартаарай. Өөрийн хэрэгцээ, хүсэл тэмүүлэл, өсөлтийг эрэмбэлээрэй. Ганц бие байх нь хувийн хөгжилд анхаарлаа төвлөрүүлж, шинэ хобби хайж, шинэ хүмүүстэй танилцах гайхалтай боломж юм. Бусдаас хүссэн хайраа өөртөө өгч сур. Сэтгэл хангалуун амьдрал бусдыг татдаг гэдгийг санаарай
5. Хэт сөрөг хандлагатай байх
Сөрөг байдал бол гол уналт гэдгийг хүлээн зөвшөөр. Байнга гомдоллох эсвэл гутранги үзэлтэй байх нь хүмүүсийг няцаахад хүргэдэг. Үүний оронд эерэг зүйлд анхаарлаа хандуулж, талархах сэтгэлийг хүлээн ав. Эерэг зүйлд анхаарлаа төвлөрүүлж, өөдрөг байхыг хичээ.
6. Хэт их цагийг ганцаараа өнгөрөөдөг
Хэрэв та гэртээ бүх цагаа зурагт үзэх эсвэл видео тоглоом тоглоход зарцуулдаг бол шинэ хүнтэй уулзахыг зөвлөе. Хэн нэгнийг олох хамгийн сайн арга бол өөрийгөө тэнд тавьж, шинэ хүмүүстэй танилцах явдал. Тав тухтай бүсээсээ гарч, шинэ зүйл туршиж үзээрэй, фитнест явж, сонирхдог клуб эсвэл бүлгүүдэд нэгдэж, нийгмийн хүрээгээ тэлээрэй.
7. Утсаа байнга шалгадаг
Хэрэв та болзож байхдаа эсрэг талд сууж буй хүнээс илүү утсаа сонирхож байгаа бол та ганц бие байх ёстой. Болзоо болон найзуудтайгаа уулзахдаа утсаа байнга шалгах нь таныг бусадтай харилцах хүсэлгүй мэт харагдуулдаг. Утсаа тавиад болзоондоо бүх анхаарлаа хандуулаарай.
8. Өнгөрснөө байнга сөхөх
Зарим хүмүүс удаан хугацааны сингл статусыг нь эвдэх хэн нэгэн гарч ирэх үед маш хурдан дотносож, хэт зууралдах хандлагатай байдаг. Гэхдээ хэн ч байнга шаардлага тавьж, зааварчлах гэсэн хүнтэй хамт байхыг хүсдэггүйг сана. Бие даасан байж, өөрийн гэсэн амьдралаар амьдарч, хамтрагчдаа орон зай гаргаж сур.
9.Эксийнхээ тухай хэт их ярих
Эксийнхээ тухай муугаар ярих нь таны одоогийн харилцааг сүйрүүлэх болно. Өмнөх харилцаагаа байнга дурсвал та одоог хүртэл тэднээсээ салаагүй мэт сэтгэгдлийг нөгөө хүнд өгөхийг сана. Хэн ч болзоон дээр таны өмнөх харилцааны талаар сонсохыг хүсэхгүй. Яриагаа одоо байгаа зүйлдээ төвлөрүүлэхгүй бол ганц бие амьдрал удаан үргэлжилж магад.
10. Өөртөө төвлөрсөн байх
Эмпати, энэрэнгүй сэтгэл, хүндэтгэл, итгэлцэл, төлөвшил нь эрүүл харилцааны гол цөмд оршдог. Хэрэв та хамтрагчдаа биш өөртөө хэт их анхаарал хандуулдаг бол удаан хугацаанд ганц бие байж магадгүй. Зөвхөн өөрийнхөө тухай ярих юм бол болзооны утга учир гээгдэнэ. Болзохдоо нөгөө хүнээ чин сэтгэлээсээ сонирхож, тэднээс асуулт асуу.
11. Идэвхгүй байх
Та эхний алхамыг хийхээс зайлсхийдэг үү? Хэрэв та санаачлагыг гартаа авах хүсэлгүй эсвэл хэн нэгэнтэй уулзахыг хүсэх эсвэл төлөвлөгөө гаргах гэж хэтэрхий удаан хүлээвэл боломжийг алдах эрсдэлтэй. Сонголтоо эзэмшиж, алхамаа хий.
12. Татгалзахаас айдаг
Татгалзах нь болзох үйл явцын салшгүй нэг хэсэг бөгөөд хүн бүрд л тохиолддог. Тиймээ, сэтгэлтэй хүнээсээ таагүй хариулт сонсох нь хүчтэй өвдөлт хэдий ч үнэнийг мэдээд урагшлах нь үргэлж төсөөллийн ертөнцөд амьдарснаас хавь илүү байх болно.
