Хайр дурлал бол хоёр хүний хамтын тэмүүллээр цааш өдөөгддөг. Хэн нэгэн нь хүсээгүй бол хүчлээд ч тэр харилцаа цааш тав алхахгүй. Учралт хүн тань дараах үйлдлүүдийг гэнэт л гаргах болсон бол танаас зай барихыг хүсэж байна гэсэн үг.
Харилцаж буй хүн тань утсаар ярих нь илт багасаж бүр сүүлдээ хэд хоногоор ч холбоогүй болж, хаа нэг утсаар ярихдаа завгүй, уулзах боломжгүй гэх хариу хэлж буй бол сонирхол нь унтарсны шинж.
Уулзах үедээ тухгүй байгаагаа илэрхийлж харц нь өөр тийш шилжиж буй бол энэ нь мөн л улаан дохио юм.
Тэрээр их нууцлагдмал нэгэн мэт өөрийн зүйлсээ хуваалцах дургүй юу? Өөрийн хувийн орон зайдаа таныг халдаахыг ч хүсдэггүй ил эсэргүүцэл үзүүлдэг бол тэрээр таныг амьдралдаа байлгахыг төдийлөн хүсэхгүй байна гэсэн үг.
Таны талаар сонирхож асуулт асуухгүй байх, үл ойшоосон хандлага гаргах. Таны асуултад "тийм", "үгүй" гэх товч хариулт өгөх нь мөн л дээрхтэй адил цаашид хамт байхыг хүсэхгүй буйн илрэл.
Өчүүхэн зүйлийг ч өөрт хамаатуулан хэрүүл өдөөх нь танд тийм ч сэтгэлтэй нэгэн биш болохын илтгэнэ.
Эмэгтэй хүн бэлэг авах дуртай байдаг. Гэвч таны өгсөн бэлгэнээс татгалзах эсвэл дурамжхан хандлага гаргаж буй бол мөн л сонирхохгүй байгаан тодоор илэрхийлж байна гэсэн үг.
Бусдын дуусгавар болж буй харилцаа, салалтын тухай байдаг л зүйл мэт байнга ярьдаг бол тэрээр танаас хөндийрөхийг нэгэнт шийдсэн гэсэн үг.
