Цэгэн хээ
Энэ онд өөр өөр өнгийн цэгэн хээтэй хувцсыг загвар зохион бүтээгчид танилцуулжээ. Голдуу зуны хувцсанд түгээмэл ашигладаг энэ хээ хэзээ ч моодноос гардаггүй, бусдын анхаарлыг татдаг, эрэгтэй эмэгтэй хувцасны аль алинд нь тохирдог онцлогтой. Бид ирэх онд энэ хээг өмнөхөөс илүү олон харах нь. Гол нь хээний хэмжээ л өөр байх болов уу. Зарим зохион бүтээгч энэ хээг зоригтойгоор буюу томоор нь ашигладаг бол зарим нь харагдахааргүй шахуу жижиг байдаг.
Интоорын улаан
Интоорын улаан өнгө таныг амьд, өөртөө итгэлтэй харагдуулна. Зарим зохион бүтээгч толгойноос хөл хүртэл улаан хувцас бүтээсэн бол зарим нь өөр өнгөтэй хослуулсныг дээрх зургаас харж болно. Vogue сэтгүүлийн Алекс Кэсслэр “Гялалзсан улаан өнгийг үл тоож болохгүй. Ялангуяа та улаан хивсэн дээр алхах бол” гэжээ.
Металл
Алтан, мөнгөн хувцаснууд трэнд болно. Загварын салбарын хамгийн том үйл явдлын нэг болох New York хотын Met Gala үдэшлэгийн 2016 оны уриа “Хүн машины эсрэг” байв. Гэтэл энэ оны Парисын долоо хоногт эдгээр загварыг толилуулжээ. Гэхдээ та алтлаг өнгө сонгох бол мэсч боол шиг харагдаж болохгүй. Алтлаг өнгө цэнхэр жийнс, арьсан хувцастай зохицохыг анхаараарай гэж загвар зохион бүтээгчид зөвлөжээ.
Нэхмэл
Хүйтэн цаг агаартай газарт энэ загвар яг тохирно. Бүтэн жилийн турш өмсөх боломжтой. Ялангуяа Лондон шиг хүйтэн хотод задгай, ноосон цамц хүн бүрд заавал байх учиртай аж.
Цасан ширхэг
Бидний дунд сургуульд байхдаа зурдаг байсан цасан ширхгээс дээрх загвараас бага зэрэг л ялгаатай. Энэ онд болсон загварын олон шоунд энэ хээг ашиглажээ.
Гоёмсог зангилаа
Энэ удаад илүү том зангилаа трэнд болов. Энэ нь энгийн хувцсыг огт өөр, илүү сайхан болгож чимдэг.
Хэт богино өмднүүд
Энэ зун өөр өөр даавуугаар оёсон, богино өмднүүд трэнд болох нь. Хэрэв та спортын танхимд хөлийн булчингаа хөгжүүлэх дасгал хийсэн бол одоо л үр дүнг нь үзээрэй.
Ногоон
Хэдий эдгээр хувцас ногоон өнгөгүй ч тогтвортой хөгжлийн төлөө, хог хаягдлыг дахин ашиглах замаар бүтээж буй хувцаснууд улам эрэлттэй болж байна. Олон хэрэглэгч хямд хувцас аваад, хэдэн удаа өмсөөд л хаядаг нь байгаль орчинд сөргөөр нөлөөлж байна.
Их Британийн алдарт загвар зохион бүтээгч Стэлла МкКартни далайн хөвд ашигласан загвар бүтээснийг Vogue сэтгүүл онцолжээ. Тэгэхээр таны ирэх онд өмсөхийг хамгийн их хүсэх хувцас таны шүүгээнд байгаа хувцас байж болно.
Эх сурвалж: BBC
