2023 оныг эцэслэхээр арванхоёрдугаар сар хаалга тогшоод хүрээд ирлээ. Шинэ жилийн баярын дулаахан уур амьсгалд умбасан эл сард аль ордныхон илүү гялалзах бол... Ингээд арванхоёрдугаар сарыг дурсамж дүүрэн өнгөрүүлэх зурхайн таван ордтой танилцана уу.
Хонины орд
Эрч хүчтэй хонины ордныхны хувьд энэ сар шаргуу хөдөлмөр, хичээл зүтгэлийнх нь үр өгөөжийг харамгүй өгнө. Төлөвлөсөн ажлаа амжилттай дуусгаж карьерт нь дэвшил гарна. Зохион байгуулалттай, тууштай зан тань таныг амжилтын шинэ зам руу хөтлөх нь. Мөн хайр дурлал, хосын харилцаанд эерэг өөрчлөлт гарч ганц бие хонины ордныхон ирээдүйгээ холбох онцгой нэгэнтэй дотно харилцаж магад.
Арслангийн орд
Энэ сар арслангийн ордныхонд онцгой таатай байна. Тэдний төрөлхийн дур булаам, өөртөө итгэлтэй байдал нь хүмүүсийн анхаарлыг татаж нийгмийн харилцаанд эерэг өөрчлөлтийг авчирна. Таны бүтээлч, эрч хүчтэй байдал нэмэгдэх тул шинэ ажил, төлөвлөсөн зүйлээ хэрэгжүүлж эхлээрэй. Хосын харилцаа нь халуун дулаан мэдрэмж, ойлголцлоор дүүрэн байна.
Нумын орд
Сарын эхээр нумын ордныхон эрч хүч, аз боломжоор адислагдана. Хэрэв та аялахаар төлөвлөж шинэ зүйл сурахаар шийдсэн бол тохиромжтой байна. Таны өөдрөг үзэл аливаа сорилт бэрхшээлийг даван туулахад тусалж, туршлага хуримтлуулах болно. Санхүүгийн хувьд гэнэтийн ашиг олж магадгүй.
Хумхын орд
Хумхын ордныхны хувьд арванхоёрдугаар сард өөрийгөө илүү нээж, хувийн амьдралдаа өсөлт гаргах болно. Таны дэвшүүлсэн шинэлэг санаанууд олон нийтэд таалагдах бөгөөд энэ нь карьераа ахиулах боломжийг олгоно. Мөн нийгмийн хүрээлэл тань өргөжиж, сонирхолтой, нөлөө бүхий шинэ харилцаа тогтооно. Түүнчлэн өөрийн хүсэл зорилгоо тодорхойлохоос гадна хайр дурлалын онцгой харилцааг үүсгэнэ.
Загасны орд
Загасны ордныхны өрөвч нинжин сэтгэл, зөн совин нь бусадтай илүү дотно харилцах хөшүүрэг болно. Та хүмүүст тусалж, тэдэнтэй харилцахдаа аз жаргалыг мэдэрч, сэтгэл ханамжтай байна. Мөн бүтээлч байдал тань нэмэгдэх тул өөрийн авьяасаа утга учиртай зүйлд зориулаарай. Дотоод үнэт зүйл тань санхүүгийн хувьд шинэ эх үүсвэрийг бий болгоно.
